ડોર ટુ ડોર કલેક્શનનો કોન્ટ્રાક્ટ રદ કરતા ચીફ ઓફિસર

મોરબી નગરપાલિકા વિસ્તારમાં ડોર ટૂ ડોર ગાર્બેજ કલેક્શન માટે એજન્સીને કોન્ટ્રાકટ આપવામાં આવ્યો હોય તે કોન્ટ્રાકટ રદ કરાયો

મોરબી નગરપાલિકાના ચીફ ઓફિસર દ્વારા શ્રીજી એજન્સી એ ૩૦૨, સિદ્ધિ વિનાયક ટાવર, અમદાવાદને લેખિત નોટીસ પાઠવી જણાવ્યું છે કે તા. ૦૩-૦૫-૨૦૧૮ થી ટેન્ડર પ્રક્રિયા કરી ૩ વર્ષ માટે કોન્ટ્રાકટ આપવામાં આવ્યો હતો જે કોન્ટ્રાકટ તા. ૩૦-૦૪-૨૦૨૧ ના રોજ પૂરો થયેલ અને બાદમાં એક વર્ષ માટે તા. ૩૦-૦૪-૨૦૨૨ સુધી લંબાવેલ પરંતુ વારંવાર લોકોની ફરિયાદ અને અનિયમિત કામના કારણે હાલનો કોન્ટ્રાકટ રદ કરવામાં આવે છે

તાત્કાલિક અસરથી નગરપાલિકાના તમામ વાહન જે સ્થિતિમાં એજન્સીને આપેલ તે સ્થિતિમાં ૨ દિવસ માં નગરપાલિકાને પરત કરવા જાણ કરવામાં આવી છે હવે પછીથી ડોર ટૂ ડોરની તમામ કામગીરી મોરબી નગરપાલિકા દ્વારા કરાશે તેમ પણ ચીફ ઓફિસર દ્વારા જણાવાયું છે.