મોરબીના લાલપર ગામના યુવાનો દ્વારા દ્વારકા જતા પદયાત્રીઓ માટે એક દિવસનો સેવા કેમ્પ યોજાયો

મોરબીના લાલપર ગામમાં રબારી સમાજ અને પટેલ સમાજની એકતા થી દ્વારકાધીશ યુવા ગ્રુપ ચાલે છે. આ ગૃપ દ્વારા અનેક સેવાકીય પ્રવૃતિઓ કરવામાં આવે છે. આ ગૃપ સેવા પરમો ધર્મ ના હેતુ થી શરૂ કરવામાં આવ્યું હતું. જેમા અનેક યુવાનો જોડાયા છે.

આ ગૃપ દ્વારા દ્વારકા જતા પદયાત્રીઓ માટે એક દિવસનો સવારનાં નાસ્તા નો સેવા કેમ્પ યોજ્યો હતો જેમાં થેપલા, દહીં ભાજી, ચા ની સેવા આપવામાં આવી હતી. આ ગૃપના યુવાનો તમામ વસ્તુઓ જાતે મહેનત કરી બનાવે અને લોકોને પ્રેમથી પ્રસાદ સ્વરૂપે નાસ્તો પીરસવામાં આવ્યો હતો.