મોરબી જિલ્લા પંચાયત પ્રમુખ ઉપપ્રમુખની રચના થયા બાદ બાકીના સદસ્યો વિવિધ 8 સમિતિની રચના થવાની રાહ જોઈ રહ્યા હતા અને આજે સમિતિની રચના માટે જિલ્લા પંચાયતના સભા ખંડમાં નવ નિયુક્ત પ્રમુખ હંસાબેન પારધીના અધ્યક્ષતામાં ખાસ સભા મળી હતી.
પ્રમુખ હંસાબેન પારધીની મંજુરી સાથે સભાની શરુઆત થઇ હતી અને અગાઉની સામાન્ય સભામાં થયેલા ઠરાવ અને પ્રોસીડીંગને બહાલી આપવામાં આવી હતી બાદમાં પ્રમુખ દ્વારા માત્ર કારોબારી સમિતિ અને સામાજિક ન્યાય સમિતિ અને તેમના ચેરમેનની નિમણુક કરી હતી કારોબારી સમિતિના ચેરમેન તરીકે પાર્ટી દ્વારા અગાઉથી જાહેર કરાયેલ પ્રવીણભાઈ ત્રિભોવનભાઈ સોનગરા અને સામાજિક ન્યાય સમિતિના ચેરમેન તરીકે કમળાબેન અશોકભાઈ ચાવડાની નિમણુક કરીછે તો ૬ સમિતિઓની રચના ને મુલતવી રાખી હતી. અચાનક માત્ર બે સમિતિની બહુમતીથી નિમણુક થયા બાદ શિક્ષણ સમિતિ, જાહેર આરોગ્ય સમિતિ, ઉત્પાદન સહકાર અને સિંચાઈ સમિતિ, મહિલા અને બાળ કલ્યાણ યુવા પ્રવુતિ સમિતિ,અપીલ સમિતિ,જાહેર બાંધકામ સમિતિ વગેરેની જાહેરાત કરવામાં આવી ન હતી અને આ બાકી રહેલી સમિતિની રચના આગામી દિવસોમાં જાહેર કરવામાં આવશે તેવો બચાવ કરતા ભાજપ શાસિત પંચાયતમાં હાલ સબ સલામત ન હોય તેવું ચિત્ર ઉપસી આવ્યું છે અને એવી પણ ચર્ચા સામે આવી રહી છે કે કેટલાક સદસ્યો ભૂતકાળમાં ચેરમેન હતા તે સમિતિના ફરીથી ચેરમેન બનવાં માંગે છે પરંતુ પક્ષ તેમને ફરીથી એના એજ સભ્ય રીપીટ કરવાના મૂડમાં નથી તેના બદલે નવા ચહેરાને સ્થાન આપવા અને જો સભ્ય પૂરતા ન હોય તો વિભાગ બદલી નાખવામાં આવે તેવી સુચના છે પરંતુ ભાજપના સદસ્યો ટસના મસ ન થતા જાણે આંતરિક વિવાદ વધ્યો હોય અને ધીમે ધીમે સામે આવી રહ્યો હોય તેવા સવાલ ઉઠી રહ્યા છે.
અમદાવાદ: ગુજરાતમાં સક્રિય બનેલી પ્રિમોન્સૂન એક્ટિવિટીને કારણે રાજ્યના ઉત્તર, મધ્ય, દક્ષિણ ગુજરાત અને સૌરાષ્ટ્રના અનેક જિલ્લાઓમાં રાત્રિ દરમિયાન તોફાની પવન, ગાજવીજ અને વીજળીના કડાકા-ભડાકા સાથે ધોધમાર વરસાદ તૂટી પડ્યો હતો. આ વરસાદથી લોકોને કાળઝાળ ગરમીમાંથી મોટી રાહત મળી છે, પરંતુ બીજી તરફ અનેક વિસ્તારોમાં વીજળી ગુલ થતાં અને વૃક્ષો...
અમદાવાદ: સેટેલાઈટ વિસ્તારમાં ૨૭ તારીખે બનેલી ફાયરિંગની ઘટનાના સંદર્ભમાં પોલીસે નિવૃત્ત DySP અશોકસિંહ ચૌહાણ, તેમના પુત્ર સિદ્ધરાજસિંહ અને પુત્રી ખ્યાતિની ધરપકડ કરી છે. ધરપકડ બાદ સેટેલાઈટ પોલીસ સ્ટેશનની કસ્ટડીમાં રખાયેલા નિવૃત્ત DySPએ મીડિયા સમક્ષ પોતાનો પક્ષ રાખવા માટે ભારે જીદ કરી હોબાળો મચાવ્યો હતો, પરંતુ પોલીસે તેમને પકડીને લોકઅપમાં...
ગુજરાતમાં હાલ હવામાનના બે અલગ-અલગ મિજાજ જોવા મળી રહ્યા છે. એક તરફ રાજ્યના મોટાભાગના શહેરોમાં કાળઝાળ ગરમી અને અસહ્ય ભેજ લોકોને અકળાવી રહ્યા છે, ત્યારે બીજી તરફ હવામાન વિભાગે આગામી દિવસોમાં ગરમીથી મોટી રાહત મળવાના સંકેત આપ્યા છે. અમદાવાદ હવામાન કેન્દ્ર દ્વારા જાહેર કરવામાં આવેલી લેટેસ્ટ આગાહી અનુસાર, આગામી...
