મોરબીના ગોર ખીજડીયા ગામે શાળા પ્રવેશોત્સવ તેમજ વૃક્ષારોપણ કાર્યક્રમ યોજાયો 

મોરબી: મોરબી તાલુકાના ગોર ખીજડીયા ગામે શાળા પ્રવેશોત્સવ તેમજ વૃક્ષારોપણ કાર્યક્રમનું આયોજન કરવામાં આવ્યું હતું.

રાજ્યવ્યાપી શાળા પ્રવેશોત્સવ અંતર્ગત મોરબી તાલુકાના ગોર ખીજડીયા ગામે પ્રાથમિક શાળામાં હર્ષોલ્લાસ સાથે પ્રવેશોત્સવ તેમજ વૃક્ષારોપણ કાર્યક્રમ ઉજવવામાં આવ્યો હતો. આ કાર્યક્રમ અંતર્ગત શાળામાં ધો.1 માં નવો પ્રવેશ મેળવનાર બાળકોનો શાળા પ્રવેશ કરાવવામાં આવ્યો હતો. અને ગોર ખીજડીયા ગામના તલાટી કમ મંત્રી તરીકે ફરજ બજાવતા રવીભાઈ હુંબલ દ્વારા શાળામાં અભ્યાસ કરતા બાળકોને બટુક ભોજન કરાવ્યું હતું.

આ કાર્યક્રમમાં અશોકભાઈ દેસાઈ (મોરબી તાલુકા પંચાયતના પ્રમુખ), પરેશ ભાઈ રૂપાલા (તાલુકા પંચાયત સદસ્ય નાની વાવડી), સાગર ભાઈ સદાતીયા ( મોરબી જિલ્લા યુવા ભાજપ પ્રમુખ) તથા ગોર ખીજડીયા ગામના સરપંચ ગૌતમભાઇ મોરડીયા સહિતના ઉપસ્થિત રહ્યા હતા.