મોરબીના નીચી માંડલ નજીકના ખેતરમાંથી અજાણ્યા પુરુષનો મૃતદેહ મળ્યો

મોરબી તાલુકાના નીચી માંડલ ગામ નજીકના ખેતરમાંથી અજાણ્યા પુરુષનો મૃતદેહ મળી આવતા મોરબી તાલુકા પોલીસે મૃતદેહને પીએમ અર્થે સિવિલ હોસ્પિટલ ખાતે ખસેડીને મૃતકની ઓળખ મેળવવા તજવીજ હાથ ધરી છે.

આ અંગે મળતી માહિતી મુજબ મોરબીના નીચી માંડલ નજીક આવેલ સેગા સીરામીક પાસે ખેતરમાંથી અજાણ્યા પુરુષનો મૃતદેહ હોવાની માહિતી મળતા મોરબી તાલુકા પોલીસ ટીમ દોડી ગઈ હતી. મૃતક અંદાજે 40 વર્ષનો યુવાન હોય જેના જમણા હાથ પર અંગ્રેજીમાં mina લખેલ છે જોકે યુવાનનું મોત ક્યાં કારણોસર થયું તે હજુ સ્પષ્ટ થયું નથી. હાલમાં મોરબી તાલુકા પોલીસે મૃતકના વાલીવારસની શોધખોળ આદરી છે જેથી અજાણ્યા પુરુષ વિષે કોઈ માહિતી હોય તો મોરબી તાલુકા પોલીસ સ્ટેશન નંબર 02822 242592 તથા તપાસ કરનાર અધિકારી જે પી વસિયાણીનો 83204 22378 પર સંપર્ક કરવા પોલીસે અપીલ કરી છે.