મોરબીની લીલાપર ચોકડી પાસે રોડ પર એક્ટીવા સાથે કાર ભટકાતાં બે ઈજાગ્રસ્ત થયા હતા જ્યારે કાર ચાલક કાર મુકી નશી છુટ્યો હોવાની મોરબી તાલુકા પોલીસ મથકે ફરીયાદ નોંધાઈ
મળતી માહિતી મુજબ મોરબી વાઘપરા શેરી નં- ૧૫ માં રહેતા દીપકભાઈ ગાંડુભાઈ ગોગરા (ઉ.વ.૪૯)એ મારૂતિ સુઝુકી કંપનીની અરટીંગા કાર નં- GJ-36-AC-8508 ના ચાલક વિરુદ્ધ મોરબી તાલુકા પોલીસ સ્ટેશનમાં ફરિયાદ નોંધાવી છે કે ગઈકાલના રોજ સાંજના સાતેક વાગ્યાના અરસામાં દીપકભાઈ પોતાનુ એક્ટીવા નં- GJ-36-H-5233 લઈને જતા હોય ત્યારે અરટીંગા કાર નં- GJ-36-AC-8508 ના ચાલક પુરઝડપે ગફલતભરી રીતે બેફીકરાઈથી કાર ચલાવી આવતા એક્ટીવા સાથે સામેથી એક્સીડન્ટ કરતા એક્ટીવા પાછળ બેઠેલા ફરીયાદીની દીકરી પુજા તથા પુત્ર માહીરને શરીરે મુંઢ ઈજા કરી પોતાની કાર મુકી નશી ગયો હોવાની મોરબી તાલુકા પોલીસ સ્ટેશનમાં ફરિયાદ નોંધાવતા પોલીસે કાર ચાલકને ઝડપી પાડવા ચક્રો ગતિમાન કર્યા છે.
