મોરબીમાં દારૂના ગુનામાં નાસતા ફરતા ઈસમને મોરબી ક્રાઈમ બ્રાંચે ઝડપી પાડયો
મોરબી: મોરબી સીટી બી ડીવીજન પોલીસ સ્ટેશનના પ્રોહીબીશનના ગુનામાં નાસતા ફરતા આરોપીને મોરબી લોકલ ક્રાઈમ બ્રાંચે ઝડપી પાડયો છે.
મોરબી એલ.સી.બી./પેરોલ ફર્લોસ્કોડ, મોરબીનો સ્ટાફ નાસતા ફરતા આરોપીઓને પકડવા સારૂ પ્રયત્નશીલ હતા. તે દરમ્યાન પેરોલ ફર્લો સ્કોડના પોલીસ હેડ કોન્સ્ટેબલને ખાનગી રાહે બાતમી મળેલ કે, મોરબી સીટી બી ડીવીજન પોલીસ સ્ટેશન સી પાર્ટ પ્રોહી કલમ-૬૫એઇ,૧૧૬બી મુજબના ગુનાના કામે નાસતો ફરતો આરોપી સાજીદ ઉર્ફે સાજલો અબ્દુલભાઇ સુમરા રહે. વીસીપરા મસ્જીદ વાળી શેરીમાં વાળો હાલે તેના રહેણાંક મકાન વાળી શેરીમાં ઉભેલ હોવાની બાતમી મળતા પોલીસ કર્મચારી સાથે બાતમી વાળી જગ્યાએ તપાસ કરતા ઉપરોકત ગુનામાં નાસતો ફરતો આરોપી સાજીદ ઉર્ફે સાજલો અબ્દુલભાઇ સુમરા ઉ.વ. ૨૫ રહે. વીસીપરા મસ્જીદ વાળી શેરીમાં વાળો મળી આવેલ પરંતુ આરોપીને અટક કરવા પહેલા કોવીડ-૧૯ અંતર્ગત મેડીકલ તપાસણી કરાવવી જરૂરી હોય જેથી આરોપીને ઉપરોકત ગુનાના કામે હસ્તગત કરી આગળની કાર્યવાહી અર્થે મોરબી સીટી બી ડીવીજન પોલીસ સ્ટેશનમાં સોપવા કાર્યવાહી હાથ ઘરેલ છે.
