મહેન્દ્રનગર ગામે આવેલ સનફીલ્ડ સીરામીકના સેડમાં જુગાર રમતા છ ઇસમો ઝડપાયા
મોરબી: મહેન્દ્રનગર ગામની સીમમાં આવેલ સનફીલ્ડ સીરામીકના સેડમાં જુગાર રમતા ૬ ઇસમોને રોકડા રૂપીયા, મોબાઇલ સહીત કુલ રૂ-૧,૫૬,૫૦૦/- ના મુદામાલ સાથે મોરબી ક્રાઈમ બ્રાંચે ઝડપી પાડયા છે.
મોરબી એલ.સી.બી પોલીસને બાતમી મળેલ કે, ધર્મેશભાઇ જગજીવનભાઇ પટેલ રહે. શનાળા બાયપાસ રોડ, યદુનંદન સોસાયટી મોરબી વાળાએ મોરબી જુના ઘુંટુ રોડ મહેન્દ્રનગર ગામની સીમમાં આવેલ જુના સનફીલ્ડ સીરામીકમાં ભાડેથી સેડ રાખી સેડના પાછળના ભાગે ટાઇલ્સના બોકસની આડસ કરી તેમાં બહારથી માણસો બોલાવી ગેરકાયદેસર રીતે તીન પતીનો જુગાર રમી રમાડી સાધન સગવડ પુરી પાડી તેની અવેજમાં પોતાના અંગત ફાયદા સારૂ નાલ ઉધરાવી જુગારનો અખાડો ચલાવે છે. જે બાતમીના આધારે રેઇડ કરતા કુલ-૦૬ ઇસમો ધર્મેશભાઇ જગજીવનભાઇ કૈલા ઉ.વ.૪૧ રહે. શનાળા બાયપાસ યદુનંદન સોસાયટી મોરબી, અલ્પેશભાઇ હરીભાઇ વસાણીયા ઉ.વ.૪૨૨હે. મોરબી આલાપ રોડ, ખોડીયારપાર્ક સોસાયટી, કમલેશભાઇ કરશનભાઇ વરસડા ઉ.વ. ૪૮ રહે. નરસંગ ટેકરીની બાજુમાં પ્રયાગ એપાર્ટમેન્ટ, ચેતનભાઇ મગનભાઇ કાસુન્દ્રા ઉ.વ. ૩૮ રહે. રવાપર રોડ, ગોકુલનગર કલ્પસર એપાર્ટમેન્ટ અશ્વિનભાઈ છગનભાઇ કાવર ઉ.વ. ૫૦ રહે. બાયપાસ રોડ, સતનામ એપાર્ટમેન્ટ, રાજેશભાઇ પ્રાગજીભાઇ કાસુન્દ્રા ઉ.વ.૫૧ રહે. રવાપર રોડ, અનુપમ સોસાયટીવાળાને રોકડા રૂ.૧,૨૧,૫૦૦/- તથા મોબાઇલ ફોન નંગ-૦૬ મળી કુલ કી.રૂ. ૧,૫૬,૫૦૦/- નો મુદામાલ મળી આવતા તમામ ઇસમો વિરૂધ્ધ જુગાર ધારા કલમ-૪,૫ મુજબ મોરબી સીટી બી ડીવીજન પોલીસ સ્ટેશનમાં ગુનો રજીસ્ટર કરાવેલ છે.
