મોરબીમાં પરણિતાએ સાસરીયા પક્ષ વિરુદ્ધ ફરીયાદ નોંધાવી
મોરબી: મોરબીમાં પરણિતાને સાસરીયા પક્ષ દ્વારા શારીરિક તેમજ માનસિક દુઃખ ત્રાસ આપતા હોવાથી પરણીતાએ સાસરીયા પક્ષ વિરુદ્ધ મોરબી મહીલા પોલીસ મથકમાં ફરીયાદ નોંધાવી છે.
મળતી માહિતી મુજબ મોરબીના કન્યા છાત્રાલય રોડ નકલંક પાર્ક સોસાયટી જી.આઇ.ડી.સી.ની બાજુમાં રહેતા મીતલબેન ભાવિકભાઈ ફુલતરીયા (ઉ.વ.૩૨) એ આરોપી ભાવિકભાઇ મનહરભાઇ ફુલતરીયા(પતિ), મનહરભાઇ શીવાભાઇ ફુલતરીયા(સસરા), ગીતાબેન મનહરભાઇ ફુલતરીયા (સાસુ) રહે-કન્યાછાત્રાલય રોડ નકલંક પાર્ક સોસાયટી મોરબી જી.આઇ.ડી.સી ની બાજુમા મોરબીવાળ વિરુદ્ધ મોરબી મહીલા પોલીસ સ્ટેશનમાં ફરીયાદ નોંધાવી છે કે તા. ૦૩-૦૭-૨૦૨૨ થી ૧૪-૦૭-૨૦૨૩ દરમ્યાન કોઈપણ વખતે ફરીયાદીને અવાર નવાર નાની નાની બાબતોમા તેમજ ઘરકામ બાબતે હેરાન પરેશાન કરી મારકુટ કરી ગાળો આપી ફરી હાલે પ્રેગ્નેટ હોવા છતા મારા પતિ મને ઢીકાપાટુનો માર મારેલ હોય અને ખાવા પીવા બાબતે બોલાચાલી કરી ઝઘડાઓ કરી સાસુ સસરા દ્રારા મેણાટોણા મારી મારા પતીને અવાર નવાર ચડામણી કરી મને શારીરીક અને માનસીક દુ:ખ ત્રાસ આપતા હોય અને ત્રણેય જણા સાથે મળી ત્રાસ આપતા હોવાની ભોગ બનનાર મીતલબેને આરોપીઓ વિરુદ્ધ મોરબી મહીલા પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપીઓ વિરુદ્ધ આઇ.પી.સી. કલમ ૪૯૮(ક),૩૨૩,૫૦૪,૧૧૪ મુજ્બ ગુન્હો નોંધી કાયદેસરની કાર્યવાહી હાથ ધરી છે.
