ટંકારાના મિતાણા ગામેથી ઈંગ્લીશ દારૂની 984 બોટલો ભરેલી બોલેરો ઝડપાઈ; આરોપી ફરાર

ટંકારા: ટંકારા તાલુકાના મિતાણા ગામે પાણીના સંપ નજીકથી ઈંગ્લીશ દારૂની ૯૮૪ બોટલો ભરેલ બોલેરો ટંકારા પોલીસે ઝડપી પાડી છે. આરોપી સ્થળ પર હાજર ન મળી આવતા પોલીસે તેને ઝડપી પાડવા તપાસ હાથ ધરી છે.

મળતી માહિતી મુજબ ટંકારા પોલીસ નાઈટ પેટ્રોલીંગમા હોય તે દરમિયાન ટંકારા તાલુકાના મિતાણા ગામે પાણીના સંપ નજીક શંકાસ્પદ બોલેરો કાર ચેક કરતા તાલપત્રી નીચે છુપાવવામાં આવેલ ઈંગ્લીશ દારૂની ૯૮૪ બોટલ દારૂ મળી આવતા પોલીસે વિદેશી દારૂનો જથ્થો તેમજ બોલેરો ગાડી જપ્ત કરી કુલ રૂપિયા 4, 66, 400નો મુદ્દામાલ જપ્ત કર્યો હતો. તે સમયે બોલેરો ચાલક હાજર નહિ મળી આવતા પોલીસે બોલરો ગાડીના માલિક વિરુદ્ધ પ્રોહીબિશન એકટ મુજબ ગુન્હો નોંધી આગળની કાયદેસરની કાર્યવાહી હાથ ધરી છે.