મોરબીમાં જ્યાં ત્યાં કચરો ફેંકતા વેપારીઓને પાલીકાએ 4300નો દંડ ફટકાર્યો

મોરબી: મોરબીને ઉકરડા અને કચરા મુક્ત બનાવવા નગરપાલિકા એક્સન મુડમાં આવી છે નગરપાલિકાના ચીફ ઓફિસરના માર્ગદર્શન હેઠળ ડોર ટૂ ડોર ગાર્બેજ કલેક્શન કામગીરી પુરજોશમાં ચાલી રહી છે તો પાલિકાએ વેપારીઓને ચેતવણી આપ્યા બાદ આજે નગરપાલિકાની ટીમો ચેકિંગમાં નીકળી હતી અને કચરાનો મનફાવે તેમ નિકાલ કરનાર વેપારીઓને રૂપિયા ૪૩૦૦ નો દંડ ફટકાર્યો હતો.

મોરબી નગરપાલિકાની ટીમ દ્વારા આજે બીજા દિવસે ચેકિંગ હાથ ધરી નગરપાલિકા તંત્રએ તાજેતરમાં આડેધડ કચરા નિકાલ મામલે વેપારીઓને સુચના આપી હતી અને કાર્યવાહી કરવાની ચેતવણી આપ્યા છતાં લોકો સુધરતા ના હોય જેથી આજે ફરી પાલિકાની ટીમો બનાવી ચેકિંગ કરવામાં આવ્યું હતું. અને મોરબી શહેરમાં વિવિધ સ્થળોએ આડેધડ કચરા ફેંકી ગંદકી ફેલાવનાર વેપારીઓને ૪૩૦૦ રૂપિયાનુ દંડ ફટકાર્યો હતો. અને કાર્યવાહી આગામી દિવસોમાં પણ ચાલુ રહેશે તેમ જણાવ્યું હતું.