મોરબીમાં પ્રધાનમંત્રી આવાસ યોજના 2.0 (શહેરી) હેઠળ ઓનલાઈન ડિમાન્ડ સર્વે નોંધણી કેમ્પનું આયોજન
મોરબી મહાનગરપાલિકા દ્વારા પ્રધાનમંત્રી આવાસ યોજના ૨.૦(શહેરી) અન્વયેના બેનીફીશયરી લેડ કન્સ્ટ્રકશન(BLC) ઘટકના ઓનલાઈન ડીમાન્ડ સર્વેમાં નોંધણી કરાવવા તારીખ ૧૯ ઓગસ્ટ થી ૨૧ ઓગસ્ટ સુધી કેમ્પ(મેળા)નું આયોજન
સરકાર દ્વારા પ્રધાનમંત્રી આવાસ યોજના ૨.૦ (શહેરી) નું અમલીકરણ કરવામાં આવેલ છે. જેમાં BLC ઘટક અંતર્ગત નેશનલ બિલ્ડીંગ કોડના ધાર ©l-ધોરણ મુજબ ૩૦ ચો.મી થી ૪૫ ચો.મી. કાર્પેટ વિસ્તાર સુધીની મર્યાદામાં ઓછામાં ઓછા બે રૂમ, રસોડું, અને શૌચાલય- બાથરૂમની સુવિધા સાથે પાકા નવા આવાસનું બાંધકામ કરી શકાશે. જે માટે પ્રતિ આવાસ દીઠ કેન્દ્ર સરકાર દ્વારા રકમ રૂ.૧,૫૦,૦૦૦/- અને રાજ્ય સરકાર દ્વારા રકમ રૂ. ૨,૫૦,૦૦૦/- એમ કુલ મળીને રકમ રૂ. ૪,૦૦,૦૦૦/- ની સહાય ૪ (ચાર) હપ્તામાં મળવાપાત્ર રહેશે.
જે અંતર્ગત મોરબી મહાનગરપાલિકા હદ વિસ્તારના નાગરિકો કે જેઓ પોતાની માલિકીનું કાચું, અર્ધ કાચું, જર્જરિત કે ખુલ્લો પ્લોટ ધરાવે છે અને તેઓની કૌટુંબિક વાર્ષિક આવક રકમ રૂ.૩.૦ ૦(ત્રણ) લાખ સુધીની છે અને ભારત ભરમાં અગાઉ આવાસની યોજનાના કોઈપણ ઘટકમાં લાભ લીધેલ નથી તેવા લાભાર્થીઓ પોતાની માલિકીનું પાકું નવું મકાન બાંધકામ કરવા ઈચ્છે છે તેઓને ઓનલાઈન ડીમાન્ડ સર્વેમાં નોંધણી કરાવવા માટે મોરબી મહાનગરપાલિકા દ્વારા કેમ્પ(મેળા)નું આ યોજન કરવામાં આવે છે. જેનો લાભ લેવા અનુરોધ કરવામાં આવે છે. પ્રધાનમંત્રી આવાસ યોજના ૨.૦ (શહેરી) અન્વયેના બેનીફીશયરી લેડ કન્સ્ટ્રક શન(BLC) ઘટકના કેમ્પ(મેળા)નું સ્થળ નીચે મુજબ છે.
આ કેમ્પ તારીખ ૧૯-૦૮-૨૦૨૫ ને મંગળવારના રોજ સવારના ૧૦:૩૦ થી ૫:૩૦ વાગ્યા સુધી મોરબી મહાનગરપાલિકા ક્લસ્ટર -૦૪ ની કચેરી (જૂની ભડિયાદ ગ્રામપંચાયતની કચેરી) તથા તારીખ ૨૦-૦૮-૨૦૨૫ ને બુધવારના રોજ સવારે ૧૦:૩૦ થી ૦૫:૩૦ સુધી મોરબી મહાનગરપાલિકા ક્લસ્ટર-૪ની કચેરી (જૂની ત્રાજપર ગ્રામપંચાયતની કચેરી) અને તારીખ ૨૧-૦૮-૨૦૨૫ ને ગુરુવારના સવારે ૧૦:૩૦ થી ૦૫:૩૦ સુધી સો-ઓરડી બાલમંદિર મોરબી ખાતે કેમ્પ યોજાશે.
