મોરબી જીલ્લા પોલીસની સ્પેશિયલ વાહન ચેકીંગ ડ્રાઈવ; વાહન ચલાવતા સગીરો તથા નિયમ ભંગ કરતા સ્કૂલ વાન ચાલકો દંડાયા
મોરબી જીલ્લામાં “અંડર-એજ ડ્રાઇવીંગ કરતા સગીર વયના બાળકો તથા સ્કુલ વાન ઉપર સ્પેશીયલ વાહન ચેકિંગ ડ્રાઇવ” યોજી મોરબી જિલ્લા પોલીસ દ્વારા કડક કાર્યવાહી કરવામાં આવી હતી જેમાં વાહન ચલાવતા સગીર તથા નિયમ ભંગ કરતા સ્કૂલ વાન ચાલકોને દંડવામા આવ્યા હતા.
મોરબી જીલ્લા પોલીસ દ્વારા તા.૦૮ ઓક્ટોબર થી તા.૦૯ ઓક્ટોબર (દિન-૨) માટે “અંડર-એજ ડ્રાઇવીંગ કરતા સગીર વયના બાળકો તથા સ્કુલ વાન ઉપર સ્પેશીયલ વાહન ચેકિંગ ડ્રાઇવ” રાખેલ અને આ ડ્રાઇવ દરમ્યાન મોરબી જીલ્લામાં ચાલતા સ્કુલ વાહનો જેમાં પ્રાઇવેટ પાર્સિંગ/પરમીટ/ફિટનેસ ટેસ્ટ સર્ટીફિકેટ/ફર્સ્ટ એઇડ કીટ/ફાયર એક્સટિંગ્વિશર/લાયસન્સની ચકાસણી કરવા અને ટ્રાફિક નિયમો તથા આર.ટી.ઓ.ના નિયમોનું ઉલ્લધંન કરતા સ્કુલ વાન વિરુધ્ધ નિયમોનુસાર કાયદેસરની કાર્યવાહી કરવા અંગેની સ્પેશીયલ ડ્રાઇવ રાખવામાં આવેલ અને અંડર-એજ ડ્રાઇવીંગ કરનારા સગીર વયના બાળકોને મોટર વાહનનો માલીક કે તેનો ચાર્જ ધરાવનાર વિરૂધ્ધ કાર્યવાહી આ ડ્રાઇવ દરમ્યાન જુદા જુદા પોઇન્ટ ઉપર સરપ્રાઇઝ વાહન ચેકિંગ કરી ટ્રાફિક નિયમોનો ભંગ કરતા વાહન ચાલકો વિરૂધ્ધ મોરબી જીલ્લા પોલીસ દ્રારા કડક કાર્યવાહી હાથ ધરવામાં આવેલ
જેમાં આ સ્કુલ વાન ડ્રાઇવ દરમ્યાન કુલ-276 સ્કુલ વાન ચેક કરવામાં આવેલ તેમજ ટ્રાફિક નિયોમનુ ભંગ કરતા વાહન ચાલકો ને કુલ-47 સ્કુલ વાહન સમાધાન શુલ્ક પાવતીઓ આપવામાં આવેલ. અને ટ્રાફિક નિયમોનુ ભંગ કરતા વાહન ચાલકો પાસે દંડ રૂ-24600- વસુલ કરવામાં આવેલ. તથાઇઆ સ્કુલ વાન ચાલકો સામે એમ.વી.એક્ટ ૨૦૭ મુજબ કુલ-04 સ્કુલ વાહનો ડીટેઇન કરાયા, અને અંડર-એજ ડ્રાઇવીંગ કરનારા સગીર વયના બાળકોના વાલી ઉપર કુલ-03 કેશો કરવામાં આવેલ તેમજ સ્કુલ વાન ચાલકોના ડ્રાઇવરોને ટ્રાફિક નિયમો તથા આર.ટી.ઓ.ના નિયમો પાલન કરવા અવેરનેશ કાર્યક્રમ કરી જરૂરી સુચના તથા માર્ગદર્શન આપવામાં આવ્યુ હતું.
તેમજ શાળા સંચાલકોને પણ રોડ સેફટી બાબતે પ્રાદેશીક વાહન વ્યવહાર કમિશનર તરફથી તથા જીલ્લા શિક્ષણ અધિકારીની કચેરી તરફથી આપવામાં આવેલ સુચના તથા પરીપત્રનુ પાલન કરવા સમજ કરવામાં આવેલ અને વધુમાં જણાવ્યું હતું કે આગામી સમયમાં પણ ટ્રાફિક નિયમોનો ભંગ કરતા વાહન ચાલકો વિરૂધ્ધ કાયદેસરની કાર્યવાહી કરવામાં આવશે.
