હરબટીયાળી ગામ પાસેથી મોબાઇલ તથા બાઇક ચોરી કરનાર ઈસમને ટંકારા પોલીસે ઝડપી પાડયો
ટંકારા તાલુકાના હરબટીયાળી ગામ નજીક કારખાનામાંથી થયેલ મોબાઇલ ચોરી તથા મોટર સાયકલ ચોરી કરનાર આરોપીને મુદામાલ સાથે ટંકારા પોલીસે ઝડપી પાડયો છે.
ટંકારા પોલીસને ખાનગીરાહે બાતમી મળેલ કે, એક હીન્દી ભાષી મજુર નંબર પ્લેટર વગરનુ મોટરસાયકલ લઇ મોબાઇલ ફોન વેચવા શનીવારી બજારમાં આવેલ હોવાની બાતમીના આધારે વોચ તપાસમાં દરમ્યાન એક હીન્દી ભાષી વ્યકિત નંબર પ્લેટ વગરનુ મો.સા. સાથે મળી આવતા મજકુર ઇસમનુ નામ સરનામું તેમજ મોટર સાયકલની આર.સી.બુક આધાર પુરાવા અંગે સંતોષકારક જવાબ આપતો ન હોય જેથી પોલીસ સ્ટેશન ખાતે લાવી પોલીસ દ્વારા ઇ-ગુજકોપ/પોકેટકોપ મોબાઇલ ફોન એપ્લીકેશનમાં મોટરસાયકલ એન્જીન ચેસીસ નંબર સર્ચ કરી જોતા મોટરસાયકલ ઓનર અરવિંદભાઈ મગનભાઈ નમેરા રહે.હરબટીયાળી ગામ તા-ટંકારા જી-મોરબી વાળા હોય જેથી મો.સા. અંગે ખરાઇ ખાત્રી કરતા હરબટીયાળી ગામ નજીક વાડીએથી ચોરી થયેલાની ફરીયાદ દાખલ થયેલ હોય.
તેમજ ઇસમની અંગઝડતી કરતા પેન્ટના ખીસ્સામાંથી ટેકનો કંપનીનો એન્ડ્રોઇડ મોબાઇલ ફોન મળી આવતા જેમાં કોઇ સીમકાર્ડ ન હોય જેથી મોબાઇલ ફોન અંગે ખરાઇ ખાત્રી કરતા હરબટીયાળી ગામ નજીક આવેલ સ્પેરોન કારખાનાના લેબરકવાર્ટરમાંથી ચોરી થયેલાની ફરીયાદ દાખલ થયેલ હોય અને મજકુર ઇસમે ઉપરોકત મો.સા. તથા મોબાઇલ ફોનની ચોરી કરેલાની કબુલાત આપતો હોય જેથી બાઈક કિં.રૂ. ૨૫,०००/- તથા મોબાઇલ ફોન કી.રૂ. ૪,૦૦૦ મળી કુલ કિંમત રૂ.૨૯,૦૦૦ ના મુદામાલ સાથે રવિ વેસ્તાભાઇ મૈયડીયા ઉર્ફે સેકડા મુવેલ (ઉ.વ. ૨૦) રહે. હાલ ચાચાપર ગામ ઓરેંજ પોલીપેક કારખાનાના લેબરકવાર્ટરની ઓરડીમાં તા.જી.મોરબી મુળ ગામ ઘટબોરી ડેડકીયા કુવા ફળીયુ તા.કુકશી થાના બાગ જી.ધાર મધ્યપ્રદેશવાળાને ઝડપી પાડી કાયદેસરની કાર્યવાહી કરવામાં આવેલ છે.
