ટંકારામાં સર્વિસ સ્ટેશનમાં સર્વિસ બાબતે એક શખ્સે કરી તોડફોડ
ટંકારા રાજકોટ હાઇવે રોડ પર આવેલ યુવકની દ્વારકાધીશ સર્વિસ સ્ટેશનમાં એક શખ્સે સર્વિસ કરવા બાબતે સર્વિસ સ્ટેશનમાં કામ કરતા મજૂરો સાથે બોલાચાલી કરી બેફામ ગાળો આપી મારી નાખવાની ધમકી આપી સર્વિસ સ્ટેશનમાં તોડફોડ કરી હોવાની ફરિયાદ નોંધાઈ છે.
મળતી માહિતી મુજબ ટંકારામાં મોરબી નાકાની બાજુમાં રહેતા અને પ્રાઇવેટ નોકરી કરતા આરીફ ભાઈ હાસમભાઇ અબરાણી (ઉ.વ.૩૫) એ આરોપી કાસમભાઇ ઇબ્રાહીમભાઇ આમ્રોણીયા રહે ટંકારા વાળા વિરુદ્ધ ટંકારા પોલીસ સ્ટેશનમાં ફરિયાદ નોંધાવતા જણાવ્યું હતું કે ટંકારા રાજકોટ હાઇવે રોડ પર ફરિયાદીની દ્વારકાધીશ સર્વિસ સ્ટેશન આવેલ છે જ્યાં કામ કરતા મજૂરો સાથે સર્વિસ કરવા બાબતે આરોપીએ સામાન્ય બોલાચાલી કરી બેફામ ગાળો આપીને મારી નાખવાની ધમકી આપીને સર્વિસ સ્ટેશનમાં રહેલ નળી તથા ડોલ તથા ઇલેક્ટ્રીક બોર્ડ તથા બીજી ચીજ વસ્તુઓની તોડફોડ કરી તથા શટલમાં લોખંડના પાઇપથી નુકસાન કર્યું હોવાની ફરિયાદ નોંધાવતા પોલીસે ફરિયાદના આધારે ગુનો નોંધી આગળ તપાસા ધરી છે.
