Saturday, January 28, 2023

વાંકાનેર સ્થાનિક સ્વરાજ્યની ચૂંટણી અપડેટ : બુધવારે વધુ 73 ફોર્મ ઉપડ્યા, તાલુકા પંચાયતની બેઠક માટે ત્રણ ઉમેદવારોએ ફોર્મ રજૂ કર્યા…

spot_imgspot_imgspot_imgspot_img
spot_img

હાલ ગુજરાતમાં સ્થાનિક સ્વરાજ્યની ચૂંટણી માટે બરોબર માહોલ જામ્યો છે ત્યારે ઉમેદવારોએ પણ પોતાની દાવેદારી મજબૂત કરવા કમર કસી છે. આ વચ્ચે આજે બુધવારે ફોર્મ ઉપાડવા-ભરવાના ત્રીજા દિવસે વાંકાનેર નગરપાલિકા, તાલુકા પંચાયત અને મોરબી જિલ્લા પંચાયતની ચૂંટણી માટે વધુ 73 જેટલા ચુંટણી લડવા ઈચ્છુક ઉમેદવારોએ પોતાના ફોર્મ ઉપાડ્યા છે અને આ સાથે જ ત્રણ ઉમેદવારોએ પોતાના ફોર્મ રજૂ કર્યા છે….

ફોર્મ ઉપાડવા-ભરવાના ત્રીજા દિવસે વાંકાનેર પ્રાંત કચેરી ખાતેથી વાંકાનેર નગરપાલિકાની 28 બેઠકો માટે વધુ 30 ઉમેદવારોએ ફોર્મ ઉપાડ્યા છે. જ્યારે વાંકાનેર તાલુકા પંચાયતની 24 સીટો માટે મામલતદાર કચેરી ખાતેથી 16 અને તાલુકા પંચાયત કચેરી ખાતેથી 18 એમ કુલ 73 જેટલા ઉમેદવારોએ ફોર્મ ઉપાડ્યા છે…

આવી જ રીતે મોરબી જીલ્લા પંચાયત હેઠળ વાંકાનેર તાલુકાની કુલ છ બેઠકો માટે 09 ઉમેદવારોએ ફોર્મ ઉપાડ્યા છે. આ સાથે જ વાંકાનેર તાલુકા પંચાયત હેઠળની કણકોટ બેઠક પરથી કોંગ્રેસના બે(એક ડમી) ઉમેદવારોએ અને અરણીટીંબા બેઠક પરથી કોંગ્રેસના એક ઉમેદવારે પોતાનું ફોર્મ રજૂ કર્યું છે.

જેમ જેમ સ્થાનિક સ્વરાજ્યની ચૂંટણીઓ નજીક આવી રહી છે તેમ તેમ ગુજરાતમાં ચુંટણી રાજકારણ ગરમાઇ રહ્યું છે. જેની અસર વાંકાનેર વિસ્તારમાં પણ દેખાવાની શરૂ થઈ ચૂકી છે. વાંકાનેર નગરપાલિકામાં વોર્ડ વાઈઝ, તાલુકા- પંચાયત જિલ્લા પંચાયત માટે ગામડે ગામડે પક્ષો અને ઉમેદવારોએ સભાઓ શરૂ કરી દીધી છે….

Chakravatnews
Chakravatnews Chakravatnews Chakravatnews

વધુ જુઓ

તાજા સમાચાર