હળવદ પો.સ્ટે.ના ખનીજચોરીના ગુનામાં નાસતા ફરતા આરોપીને પકડી પાડતી લોકલ ક્રાઈમ બ્રાંચ મોરબી
અશોક કુમાર પોલીસ મહાનિરીક્ષક રાજકોટ વિભાગ, રાજકોટના તથા, રાહુલ ત્રિપાઠી પોલીસ અધિક્ષક મોરબી જીલ્લા મોરબીનાઓએ નાસતા ફરતા આરોપીઓને પકડવા તેમજ અસરકારક કામગીરી કરવા સારૂ, ડી.એમ.ઢોલ પોલીસ ઇન્સ્પેકટર એલ.સી.બી.મોરબીનાઓને જરૂરી સુચના કરતા પોલીસ ઇન્સ. એલ.સી.બી.મોરબીના માર્ગદર્શન હેઠળ એન.એચ.ચુડાસમા તથા કે.એચ.ભોચીયા પો.સબ.ઇન્સ. એલ.સી.બી. મોરબી તથા પેરોલ ફર્લોસ્કોડ, મોરબીના સ્ટાફના માણસો ઉપરોકત કામગીરી કરવા સારૂ પ્રયત્નશીલ હતા.
દરમ્યાન પેરોલ ફર્લો સ્કોડના, ASI જયવંતસિંહ ગોહીલ તથા HC પૃથ્વીરાજસિંહ જાડેજા તથા દશરથસિંહ ચાવડાને ખાનગી રાહે હકિકત મળેલ કે, હળવદ પો.સ્ટે. એ પાર્ટ ગુ.ર.નં. ૦૧૭૫/૨૦૨૩ ઇ.પી.કો. કલમ- ૧૨૦બી,૩૭૯,૧૧૪ તથા MMRD એકટની કલમ-૪(એ),૨૧ મુજબના ગુન્હાના કામે નાસતો ફરતો આરોપી જીવાભાઇ અરભમભાઇ આગઢ રહે. પોરબંદર ખાપટ રામાપીરના દ્વારાની બાજુમાં વાળો હાલે લાલપર ગામ પાસે કામકાજ સબબ આવેલ હોવાથી હકીકત મળતા સ્ટાફ સાથે લાલપર ગામ નજીક તપાસ કરતા મજકુર આરોપી જીવાભાઇ સઓ અરભમભાઇ જુઢાભાઇ આગઢ/મેર ઉ.વ. ૩૬ ધંધો ડ્રાઇવીંગ રહે. પોરબંદર ખાપટ કર્મચારી સોસાયટી રામાપીરના દ્વારાની બાજુમાં વાળો મળી આવતા તેને હસ્તગત કરી આગળની કાર્યવાહી અર્થે મોરબી સીટી બી ડીવીજન પો.સ્ટે.માં સોપવામાં આવેલ છે.
