મોરબી જેતપર હાઈવે રોડ ઉપર બોલેરો ગાડીએ હડફેટે લેતા બાઈક સવારનું મોત
મોરબી જેતપર હાઈવે રોડ ઉપર પાવડીયારી થી જસમતગઢ ગામ વચ્ચે નાયરા કંપનીના પેટ્રોલ પંપ સામે કટ પાસે બોલેરો ગાડીએ હડફેટે લેતા બાઈક સવારનું મોત નિપજ્યું હતું. આ બનાવ અંગે મોરબી તાલુકા પોલીસ સ્ટેશનમાં ફરીયાદ નોંધાઈ છે.
મળતી માહિતી મુજબ મોરબી તાલુકાના પીપળી ગામે રહેતા વિનુબેન પીઠાભાઈ ગોહેલ (ઉ.વ.૫૦) એ આરોપી મહીન્દ્રા બોલેરો પીકઅપ ગાડી નંબર -GJ-08-AW-6203 ના ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીએ પોતાના હવાલાવાળી મહીન્દ્રા બોલેરો પીકઅપ ગાડી નંબર GJ-08-AW-6203 વાળી પુરઝડપે અને ગફલતભરી રીતે માણસોની જીંદગી જોખમાય તે રીતે ચલાવી ફરીયાદીના પતિ પોતાના હવાલા વાળા મોટર સાયકલ નંબર GJ-01-DG- 1258 થી ડીવાઈડર ક્રોસ કરતા હતા ત્યારે અડફેટે લઈ પાડી દઈ શરીરે માથાના ભાગે તથા હાથે પગે ઈજાઓ પહોંચતા બાઈક ચાલકનું મોત નિપજ્યું હતું જેથી આ બનાવ અંગે મૃતકના પત્નીએ આરોપી બોલેરો ગાડીના ચાલક વિરુદ્ધ ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.
