મોરબીના નવા સાદુળકા ગામે મચ્છુ નદીમાં એક સગીર સહિત ત્રણ યુવકો ડૂબ્યા
મોરબી: મોરબી તાલુકાના નવા સાદુળકા ગામ નજીક મચ્છુ -૩ નદીમાં ન્હાવા પડેલ એક સગીર સહિત ત્રણ યુવકો ડુબ્યા હતા. આ બનાવ અંગે મોરબી ફાયર વિભાગની ટીમ અને પોલીસને જાણ કરતા ઘટનાસ્થળે દોડી જઈ બચાવ કામગીરી હાથ ધરી છે.
મળતી માહિતી મુજબ મોરબી તાલુકાના નવા સાદુળકા ગામે ૭ જેટલા સગીર અને યુવાન ન્હાવા આવ્યા હતા. જે સ્વીમીંગ પુલમાં નાહવા જવાનું કહી ઘરેથી નીકળ્યા હતા અને નવા સાદુળકા ગામે મચ્છુ -૩ નદીમાં પગ લપસી જતાં એક સગીર ભંખોડીયા ધર્મેશ ભુપેન્દ્રભાઈ (ઉ.૧૬) તથા ભંખોડીયા ગૌરવ કિશોરભાઈ (ઉ.૧૭) તથા પરમાર ચિરાગ તેજાભાઈ (ઉ.૨૦) નામના યુવકો પાણીમાં ડુબી ગયા હતા જેથી આ બનાવ અંગે મોરબી ફાયર વિભાગ અને મોરબી તાલુકા પોલીસને જાણ કરતા ઘટનાસ્થળે દોડી જઈ એક સગીર સહિત ત્રણ યુવકને શોધી કાઢવા ફાયરની ટીમ કામે લાગી હતી.