મોરબી: વિદેશી દારૂનો ૧૧,૪૬૦ બોટલનો જથ્થો ઝડપી પાડતી L.C.B પોલીસ

મોરબી જિલ્લામાં અવાર નવાર વિદેશી દારૂ નો જથ્થો પોલીસ ઝડપી દારૂ જેવી બદીને ટાળવાનો પ્રયત્ન કરતા હોય છે પણ તેમ છતાં ગાંધી ના ગુજરાતમાં દારૂ ઘુસાડવાનો કીમિયો બુટલેગરો શોધી જ કાઢે જ છે એવો જ એક કિસ્સો પ્રકાશમાં આવ્યો છે.

એલસીબી ટીમને મળેલ બાતમી આધારે એલસીબીની ટીમ દ્વારા મીતાણા ગામ પાસે આવેલ રાધે પાન એન્ડ ટી સ્ટોલ ખાતે વોચ ગોઠવવામાં આવી હતી અને ત્યારે ટંકારા બાજુથી આવતો ટ્રક રાજકોટ તરફ જતો હતો ત્યારે ટ્રક નંબર જીજે ૨૪ વી ૮૯૭૫ ને રોકીને પોલીસ દ્વારા ચેક કરવામાં આવ્યો હતો ત્યારે ટ્રકમાંથી જુદી જુદી બ્રાન્ડની દારૂની ૧૧,૪૬૦ બોટલ મળી આવી હતી જેથી કરીને પોલીસે દારૂ તથા દસ લાખ રૂપિયાની કિંમતનો ટ્રક, ૫૦૦૦ નો એક મોબાઈલ ફોન, ૧૪૨૦૦ રોકડા આમ કુલ મળીને ૪૫,૭૨,૪૦૦ ની કિંમતનો મુદ્દા માલ કબજે કર્યો છે અને હાલમાં ટ્રક ડ્રાઇવર બુધારામ કાનારામજી બાબલે જાતે બિશ્નો (૪૩) રહે બાલાજીનગર રાજસ્થાન વાળાની ધરપકડ કરેલ છે અને તેની પાસેથી સુરેશ રહે. ચિત્તલવાના સાંચોર રાજસ્થાન વાળાનું નામ સામે આવ્યું છે જેથી કરીને સુરેશ તેમજ દારૂનો જથ્થો મંગાવનાર, મોકલનાર અને ટ્રક માલિક સહિત કુલ પાંચ શખ્સોની સામે ટંકારા તાલુકા પોલીસ સ્ટેશન ખાતે ગુનો નોંધીને પોલીસે બાકીના આરોપીઓને પકડવા માટે તજવીજ શરૂ કરી છે.