મોરબી માર્કેટીંગ યાર્ડ ખાતે જેતપર જૂથ સહકારી મંડળી દ્વારા ટેકાના ભાવથી ચણા અને રાયડોની ખરીદી શરૂ

આજરોજ મોરબી માર્કેટીંગ યાર્ડ ખાતે ભારત સરકારની પી.એસ. યોજના હેઠળ શ્રી જેતપર જૂથ સહકારી મંડળી દ્વારા ટેકાના ભાવમાં ચણા – રાયડો ખરીદવાનો પ્રારંભ કરવામાં આવ્યો હતો.જેમાં આજ રોજ 12 ખેડૂતો હાજર રહ્યા હતા સાથે સાથે ખેડૂતોને પોતાનો પાક લુઝ લઈને આવવા અપીલ કરવામાં આવી હતી

જેથી આજથી મોરબી માર્કેટ યાર્ડ ખાતે ચણા અને રાયડો ખરીદવાનો પ્રારંભ કરવામાં આવ્યો હતો.જેમાં શ્રીફળ વધેરી ચણા વેચવા આવેલ ખેડૂતોને કુમકુમ તિલક કરી મોં મીઠા કરી ખરીદીનો પ્રારંભ કરાયો હતો. જેમાં મોરબી માળિયાના ધારાસભ્ય કાંતિભાઈ અમૃતિયા,રાજકોટ જિલ્લા સહકારી બેન્કના વાઇસ ચેરમેન મગનભાઈ વડાવિયા,માર્કેટિંગ યાર્ડના ચેરમેન ભવાનભાઈ ભાગીયા કૃભકો અને ગુજકોના આગેવાનો હાજર રહ્યા હતા.