તાજેતરમાં ખેલ મહાકુંભ અંતર્ગત હળવદ તાલુકાની કબડ્ડી સ્પર્ધા યોજાઈ ગઈ. જેમાં મયુરનગર ગામની સરકારી ઉચ્ચતર માધ્યમિક શાળાની બહેનોની ટીમે પ્રથમ નંબર મેળવ્યો હતો. જ્યારે કબડ્ડીમાં ભાઈઓની ટીમે તાલુકા કક્ષાએ ત્રીજો નંબર મેળવ્યો હતો.
તેમજ ચક્રફેંક સ્પર્ધામાં શાળાના વિદ્યાર્થી અલ્તાફ ખલીફાએ પણ પ્રથમ નંબર મેળવ્યો હતો. ફાઈનલ સ્પર્ધામાં સુપર રેડ કરી એક જ રેડમાં પાંચ પોઈન્ટ મેળવનાર ગેડાણી કોમલને શાળા તરફથી બેસ્ટ રેડરનો ખિતાબ આપવામાં આવ્યો હતો. જ્યારે સાવધરિયા રાધાએ બેસ્ટ ડિફેન્ડર તરીકે પરફોર્મન્સ આપ્યું હતું. વિસાણી નિધિએ ‘ બોનસ ગર્લ ‘ તરીકે ચાહના મેળવી હતી. આ તકે મિતલ કણઝરિયા, જાંબુકિયા રિધ્ધિ, રાઠોડ સંજના, ગેડાણી રાધિકા, નિધિ વિસાણી, રાધિકા જાંબુકિયા, ટાપરિયા પ્રિયંકા, વિસાણી ધ્વનિ અને પરમાર આરતી જિલ્લા કક્ષાની ટીમ માટે પસંદ થયા હતા. જ્યારે જિલ્લા કક્ષાની હળવદ તાલુકાની ભાઈઓની ટીમમાં દેગામડિયા વિજય, ચાવડા તુષાર,ચાવડા પૃથ્વીરાજ, બાવળિયા દેવરાજ, ધાડવી સહદેવ, થરેકિયા મેહુલ અને ભૂંભરિયા વિવેકની પસંદગી થઈ હતી. શાળાના આચાર્ય અલ્તાફ ખોરજિયા સરે તમામ ખેલાડીઓને, એથ્લ્ટીકસના કોચ નરેન્દ્ર બારિયા, કબડ્ડીના કોચ ગોસાંઈ નિર્મલ અને મહેશ પટેલને અભિનંદન પાઠવ્યા હતા.
રવિ પરીખ હળવદ
ગત વર્ષે નવયુગ ગ્રુપ ઓફ એજ્યુકેશનની સ્થાપના ના 25 વર્ષ પૂર્ણ થતા સિલ્વર જયુબિલી ની ધમાકેદાર ઉજવણી કરવામાં આવી હતી એમાં ભૂતપૂર્વ સ્ટાફ અને ભૂતપૂર્વક સ્ટુડન્ટસ બહોળી સંખ્યામાં ઉપસ્થિત રહ્યા હતા સંસ્થાના પ્રમુખ પી.ડી.કાંજીયાને વિચાર આવ્યો કે સમગ્ર નવયુગ ગ્રુપ ઓફ એજ્યુકેશનના વર્તમાન વાલીઓને પણ આપણે એક સાથે બોલાવીએ...
મોરબી મહાનગરપાલિકાના કમિશ્નર દ્વારા ક્લસ્ટર નં-૦૯ની વિઝીટ કરવામાં આવેલ. જેમાં ક્લસ્ટર નં-૦૯ ના સફાઇ કર્મચારીની હાજરીની ચકાસણી કરવામાં આવેલ.
તદુપરાંત ધુનડા રોડ, સ્ટેટ હાઇવે, ગોકુલનગર તથા ભક્તિનગર પાસે આવેલ GVP પોઈન્ટની વિઝીટ કરવામાં આવેલ તથા લાઈન્સ નગર તેમજ શ્રીજી પાર્ક સોસાયટી ખાતે ડોર ટુ ડોર કામગીરીનું નિરીક્ષણ કરવામાં આવેલ. જાહેરમાં...
