ટંકારા: ઘરફોડ/લુંટના ગુન્હામાં છેલ્લા 13 વર્ષથી નાસતો ફરતો આરોપી મધ્યપ્રદેશથી ઝડપાયો
ટંકારા પોલીસ સ્ટેશનના ઘરફોડ/લુંટના અલગ-અલગ ૦૨ ગુન્હામાં છેલ્લા ૧૩ વર્ષથી નાસતા ફરતા આરોપીને મધ્યપ્રદેશ રાજયના અલીરાજપુર જિલ્લા ખાતેથી મોરબી પેરોલ ફર્લો સ્કવોડ/એલ.સી.બી.ની ટીમે ઝડપી પાડયો છે.
મોરબી એલસીબી તથા પેરોલ ફર્લો સ્કવોડને ખાનગીરાહે બાતમી મળેલ કે, ટંકારા પોલીસ સ્ટેશનમાં ઘરફોડ તથા લુંટના અલગ અલગ બે ગુન્હામાં નાસતો ફરતો આરોપી કમલસિંહ થાનસિંહ અજનારીયા રહે. મોટી ઢેલવાણી તા.કુક્ષી જી.ધાર (એમ.પી) વાળો હાલે મધ્યપ્રદેશ રાજ્યના અલીરાજપુર જિલ્લા જેલ સામે આવેલ હોવાની બાતમી મળતા જે બાતમીના આધારે પોલીસ સ્ટાફ બાતમીવાળી જગ્યાએ જઇ તપાસ કરતા ઉપરોક્ત ગુન્હાના કામનો નાસતો ફરતો આરોપીને અલીરાજપુર જિલ્લા જેલ સામેથી પકડી પાડી હસ્તગત કરી અત્રે લાવી આગળની ઘટીત કાર્યવાહી અર્થે ટંકારા પોલીસ સ્ટેશન ખાતે સોપી આપેલ છે.
