મોરબીની મહેન્દ્રનગર ચોકડી પાસેથી એક ઇસમ પીસ્તોલ અને ત્રણ જીવતા કાર્ટીસ સાથે ઝડપાયો

મોરબી: મોરબી સીટી બી ડિવિઝન પોલીસ સ્ટેશન વિસ્તારમાં મહેન્દ્રનગર ચોકડી પાસેથી એક ઇસમને ગેર કાયદેસર દેશી હાથ બનાવટની એક પીસ્તોલ અને ત્રણ જીવતા કાર્ટીસ સાથે મોરબી એસ.ઓ.જી. ટીમે ઝડપી પાડયો છે.

પોલીસ અધિક્ષક મોરબી જિલ્લા નાઓએ આગામી દિવસોમાં આવનાર ગુજરાત વિધાનસભા સામાન્ય ચૂંટણી પ્રક્રિયા શાંતી પૂર્ણ રીતે થાય તે અનુસંધાને ઇન્ચાર્જ પોલીસ ઇન્સ્પેકટર, એસ.ઓ.જી.મોરબી નાઓને એસ.ઓ.જી.ની ચાર્ટર મુજબની કામગીરી કરવા જેમાં ગેરકાયદેસર હથિયારો પોતાના કબજામા રાખી અસામાજીક પ્રવૃત્તિ આચરતા ઇસમો શોધી કાઢી ધોરણસરની કાર્યવાહી કરવા સુચના કરેલ હોય જે અન્વયે પોલીસ સબ ઇન્સ્પેક્ટર એસ.ઓ.જી.,મોરબી તથા એસ.ઓ.જી.સ્ટાફ કાર્યરત હતા તે દરમિયાન પોલીસ હેડ કોન્સ્ટેબલને સંયુકત બાતમી મળેલ કે એક ઇસમ શરીરે સફેદ શર્ટ કાળી ચેકસ ડીઝાઇન વાળો તથા કાળા કલરનુ પેન્ટ પહેરેલ છે. તેના કબજામાં ગેરકાયદેસર પીસ્તોલ જેવુ હથિયાર છે જે ઇસમ હાલમા મોરબી સીટી બી ડિવિઝન પોલીસ સ્ટેશન વિસ્તારમાં મહેન્દ્રનગર ચોકડી પાસે ટીંબડીરોડ પર હાજર છે તે બાતમીના આધારે મળેલ બાતમી વાળી જગ્યાએ રેઇડ કરતા આરોપી વિજયભાઇ ઉર્ફે જગો રમણીકભાઇ ઓગાણીયા ઉ.વ.૨૧ ધંધો રીક્ષા ડ્રાયવિંગ રહે. સુરેન્દ્રનગર દાળમીલ રોડ વેલનાથ સોસાયટી ફીરદોસ સોસાયટી પાસે તા.વઢવાણ જી.સુરેન્દ્રનગર વાળાને દેશી બનાવટની પીસ્તોલ નંગ-૧, કિં રૂ.૧૦,૦૦૦ તથા જીવતા કાર્ટીઝ નંગ-૩ કીં.રૂ.૩૦૦/- મળી કુલ કિં.રૂ. ૧૦,૩૦૦/-ના મુદામાલ સાથે મળી આવેલ તેના વિરૂધ્ધ મોરબી સીટી બી ડિવિઝન પોલીસ સ્ટેશન ખાતે આર્મ્સ એકટ મુજબ ગુનો નોંધાવી આગળની ધોરણસરની કાર્યવાહી કરેલ છે.