મોરબીના ઉંચી માંડેલ ગામ નજીકથી ઈંગ્લીશ દારૂની ચાર બોટલો સાથે એક ઝડપાયો

મોરબી: મોરબી હળવદ હાઈવે રોડ ઉંચી માંડેલ ગામથી આગળ મારબીલાનો સીરામીક કારખાનાની સામે રોડ પરથી ઈંગ્લીશ દારૂની ચાર બોટલ સાથે એક ઈસમને મોરબી તાલુકા પોલીસે પકડી પાડયો છે.

મળતી માહિતી મુજબ મોરબી હળવદ હાઈવે રોડ ઉંચી માંડેલ ગામથી આગળ મારબીલાનો સીરામીક કારખાનાની સામે રોડ પરથી આરોપી રવિભાઈ ગોગનભાઈ બડીયાવદરા રહે. ઈશ્વરીયા તા. જામજોધપુર જી. જામનગર વાળાએ ગેરકાયદેસર રીતે વેચાણ કરવાના ઈરાદાથી રાખેલ ઈંગ્લીશ દારૂની બોટલ નંગ -૪- કિં રૂ. ૧૫૦૦ તથા મોટરસાયકલ રજીસ્ટર નંબર – GJ-10-DC-7231 વાળુ કિં રૂ.૨૫,૦૦૦ મળી કુલ કિં રૂ.૨૬,૫૦૦ ના મુદામાલ સાથે મોરબી તાલુકા પોલીસે પકડી પાડી આરોપી વિરુદ્ધ પ્રોહીબિશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.