મોરબીમાં ઉમા ટાઉનશિપ પરિવાર તથા Always Ceratech ગ્રુપ દ્વારા આજે તા.01 એપ્રિલે રક્તદાન કેમ્પ યોજાયો

મોરબી: “રક્તદાન એટલે કોઈના જીવન બાગને ખીલાવતી વર્ષાઋતુ” એક માનવીની રકતની જરૂરિયાત બીજો માનવી જ પુરી પાડી શકે વિશ્વના સમગ્ર જીવનની એકતાનું પ્રતિક માનવ રકત છે. પ્રત્યેક શરીરમાં ધબકતું રકત તો એક સહિયારી મૂડી છે. આ મૂડી નો સદ્ઉપયોગ એટલે સ્વૈચ્છિક રકતદાન.

મોરબીના સામાકાંઠા વિસ્તારમાં ધારાસભ્ય કાંતિભાઈ અમૃતીયાના નિવાસ સ્થાન ખાતે તા.01-04-2023ને શનિવાર ના રોજ સવારે 09-૦૦ થી 01-00 વાગ્યા સુધી રક્તદાન કેમ્પ યોજાયો હતો. Always Ceratech ગ્રુપ મોરબી તથા ઉમા ટાઉનશીપ પરિવાર દ્વારા આયોજિત આ રક્તદાન કેમ્પમાં 126 બોટલ એકત્ર કરવામાં આવી હતી. Always Ceratech ગ્રુપ તરફ થી રાજુભાઇના હસ્તે રક્તદાતા ને ગિફ્ટ પણ આપવામાં આવી હતી આ રક્તદાન કેમ્પના સૌજન્ય સંસ્કાર બ્લડ બેંક મોરબી તથા સીવીલ હોસ્પિટલ મોરબી હતા.