મોરબી જુના બસ સ્ટેન્ડ નજીકથી અપહરણ થયેલ બાળકને શોધી કાઢતી મોરબી ક્રાઇમ બ્રાન્ચ
મોરબી: મોરબી જુના બસ સ્ટેન્ડ પાસેથી એકાદ માસ પહેલા થયેલ બાળકના અપહરણનો ગુનો શોધી કાઢી અપહરણ થયેલ બાળકને ગણતરીના દિવસોમાં શોધી કાઢતી મોરબી ક્રાઇમ બ્રાંચ.
ગત તા.૧૩/૦૧/૨૦૨૩ નારોજ બપોરના આશરે ૦૩/૦૦ વાગ્યાના અરસામાં મોરબી જુના બસ સ્ટેન્ડ પાસેથી કરણ રામકુમાર રામખેલાવન નટા બજાણીયા રહે. હાલ મોરબી નવલખી ફાટક પાસે, ઝુપડામાં મુળ રહે. પછપેડી તા.મસ્તુરી જિ. બિલાસપુર છત્તીસગઢ વાળાના પુત્ર ધર્મેન્દ્ર ઉ.વ. ૧૩ વર્ષ ૭ માસ વાળાનું કોઇ અજાણ્યા આરોપીએ કોઇ અગમ્ય કારણસર અપહરણ કરી લઇ ગયા અંગેની ફરિયાદ મોરબી સિટી એ ડિવીઝન પોલીસ મથકમાં તા.૮ ફેબ્રુઆરીના રોજ નોંધાઇ હતી.
બનાવની ગંભીરતાને ધ્યાનમાં લઇ એલસીબી પોલીસ ઇન્સપેક્ટર ડી.એમ.ઢોલ દ્વારા બાળકને હેમખેમ તાત્કાલીક શોધી કાઢવા તથા આરોપી પકડી પાડવા સારૂ એલ.સી.બી. મોરબીની અલગ અલગ ટીમો બનાવી ઉપરોકત કામગીરી કરવા કાર્યરત કરતા આ અપહૃત બાળકનો ફોટો બતાવી તેમજ ટેકનીક માધ્યમ, હ્યુમન ઇન્ટેલીજન્સ દ્વારા અપહત બાળક અંગે હકિકત મેળવવા સંઘન, તપાસ કરી કરાવતા હતાં તે દરમ્યાન ખાનગી બાતમી રાહે હકિકત મળેલ કે, આ બાળક હાલ ભચાઉ ખાતે હોવાનું જાણવા મળ્યું હતું. જેને પગલે એક ટીમને તાત્કાલીક ભચાઉ કચ્છ ખાતે મોકલી બાળકની તપાસ કરતા ભચાઉ ચાર રસ્તા ખાતેથી હેમખેમ મળી આવતા તેને પુછતા પોતે એકલો મોરબી જુના બસ સ્ટેન્ડથી બસમાં બેસી ભચાઉ મુકામે આવતો રહેલ હોવાનું જણાવેલ હોય જેને પરત લાવી આગળની કાર્યવાહી અર્થે મોરબી સિટી એ ડિવીઝન પોલીસ મથકને સોપવામાં આવેલ છે.
