મોરબી નજીક ટ્રકમાં આગ લાગતા નાસભાગ :ડ્રાઇવરનો સદનસીબે બચાવ
મોરબીના જોધપર નદી નજીક પુઠ્ઠા પસ્તી ભરેલ ટ્રકમાં અચાનક આગ ભભૂકી ઉઠતા મોરબી ફાયર બ્રિગેડે પાણીનો મારો ચલાવી આગ બુઝાવી હતી, સદનસીબે આગની આ ઘટનામાં ડ્રાઇવરનો બચાવ થયો હતો.
બનાવ અંગે જાણવા મળતી વિગતો મુજબ મોરબીના જોધપર નદી, મચ્છુ ડેમ નજીક જીજે – 03 – BY – 6708 નંબરના પુઠ્ઠા પસ્તી ભરેલ આઇસર ટ્રકમાં આગ લાગતા મોરબી ફાયર બ્રિગેડને જાણ કરવામાં આવતા ફાયર બ્રિગેડ ટીમે પાણીનો મારો આગ બુઝાવી હતી. આગની આ ઘટનામાં સદનસીબે ડ્રાઇવરનો આબાદ બચાવ થયો હોવાનું ફાયર બ્રિગેડના સૂત્રોએ જણાવ્યું હતું.
