હળવદ તાલુકાના જુના દેવળીયા ગામે સરપંચને તેમના જ કૌટુંબિક કાકાના દીકરાએ છરીના ઘા ઝીકયા હોવાનો બનાવ સામે આવ્યો છે. આથી ગંભીર રીતે ઘવાયેલા સરપંચને વધુ સારવાર અર્થે રાજકોટ ખસેડાયા છે. આ બનાવ અંગે પાણી કાઢવાની ના પાડતા અને જૂનું મનદુઃખ રાખી હુમલો કર્યાની ફરિયાદ નોંધાઈ છે.
હળવદ પોલીસ મથકેથી આ હુમલાના બનાવની પ્રાપ્ત વિગતો અનુસાર હળવદ તાલુકાના જુના દેવળીયા ગામના સરપંચ વશરામભાઈ મૂળજીભાઈ સોલંકીએ તેમના જ કૌટુંબિક કાકાના દીકરા શૈલેષભાઈ હરિભાઈ સોલંકી સામે પોલીસ ફરિયાદ નોંધાવી હતી કે, ગઈકાલે સરપંચ વશરામભાઈ સોલંકીએ પાણી કાઢવાની ના પાડતા આરોપી શૈલેષભાઈ હરિભાઈ સોલંકીની કમાન છટકી હતી અને પાણી કાઢવાની ના પાડવા ઉપરાંત જૂનું મનદુઃખનો ખાર રાખી ઉશ્કેરાયેલા શૈલેષભાઈ હરિભાઈ સોલંકીએ સરપંચ વશરામભાઈ સોલંકી ઉપર છરી અને લોખડના પાઇપ વડે હુમલો કર્યો હતો. આ હુમલામાં ઘવાયેલા સરપંચ પ્રથમ હળવદ બાદ મોરબી અને ત્યાંથી વધુ સરકાર માટે રાજકોટ ખસેડયા છે. તેઓએ આ બનાવ અંગે ફરિયાદ નોંધાવતા પોલીસે આરોપીને ઝડપી લેવા તપાસ હાથ ધરી છે.
અમદાવાદ: ગુજરાતમાં સક્રિય બનેલી પ્રિમોન્સૂન એક્ટિવિટીને કારણે રાજ્યના ઉત્તર, મધ્ય, દક્ષિણ ગુજરાત અને સૌરાષ્ટ્રના અનેક જિલ્લાઓમાં રાત્રિ દરમિયાન તોફાની પવન, ગાજવીજ અને વીજળીના કડાકા-ભડાકા સાથે ધોધમાર વરસાદ તૂટી પડ્યો હતો. આ વરસાદથી લોકોને કાળઝાળ ગરમીમાંથી મોટી રાહત મળી છે, પરંતુ બીજી તરફ અનેક વિસ્તારોમાં વીજળી ગુલ થતાં અને વૃક્ષો...
અમદાવાદ: સેટેલાઈટ વિસ્તારમાં ૨૭ તારીખે બનેલી ફાયરિંગની ઘટનાના સંદર્ભમાં પોલીસે નિવૃત્ત DySP અશોકસિંહ ચૌહાણ, તેમના પુત્ર સિદ્ધરાજસિંહ અને પુત્રી ખ્યાતિની ધરપકડ કરી છે. ધરપકડ બાદ સેટેલાઈટ પોલીસ સ્ટેશનની કસ્ટડીમાં રખાયેલા નિવૃત્ત DySPએ મીડિયા સમક્ષ પોતાનો પક્ષ રાખવા માટે ભારે જીદ કરી હોબાળો મચાવ્યો હતો, પરંતુ પોલીસે તેમને પકડીને લોકઅપમાં...
ગુજરાતમાં હાલ હવામાનના બે અલગ-અલગ મિજાજ જોવા મળી રહ્યા છે. એક તરફ રાજ્યના મોટાભાગના શહેરોમાં કાળઝાળ ગરમી અને અસહ્ય ભેજ લોકોને અકળાવી રહ્યા છે, ત્યારે બીજી તરફ હવામાન વિભાગે આગામી દિવસોમાં ગરમીથી મોટી રાહત મળવાના સંકેત આપ્યા છે. અમદાવાદ હવામાન કેન્દ્ર દ્વારા જાહેર કરવામાં આવેલી લેટેસ્ટ આગાહી અનુસાર, આગામી...
