મોરબીના ગ્રીન ચોકમાં રોડ પરથી બાઈકની ઉઠાંતરી
મોરબી: મોરબીના ગ્રીન ચોકમાં ભોઇવાળો પાસે શેરીમાં રોડ પરથી કોઈ અજાણ્યો ચોર ઈસમ બાઈક ચોરી કરી લઇ ગયો હવાની મોરબી સીટી એ ડીવીજન પોલીસ મથકમાં ફરીયાદ નોંધાઈ છે.
મળતી માહિતી મુજબ મોરબીના ભોઈવાળા ગ્રીનચોકમા રહેતા ધર્મેશભાઈ મોહનભાઈ સરવૈયા (ઉ.વ.૪૯) એ આરોપી અજાણ્યા ચોર ઈસમ વિરુદ્ધ મોરબી સીટી એ ડીવીજન પોલીસ સ્ટેશનમાં ફરીયાદ નોંધાવી છે કે ગત તા.૦૧-૦૩-૨૦૨૩ ના રોજ અજાણ્યા આરોપીએ ફરીયાદીનુ કાળા કલરનુ હિરો હોન્ડા મોટરસ લીમીટેડનુ સ્પલેન્ડર મોટરસાયકલ જેના રજીસ્ટર નં. GJ-03-RR-7433 વાળુ સને ૨૦૦૨ નુ મોડલ જેની આશરે કિ.રૂ.૧૫,૦૦૦/- વાળુ મોટરસાયકલ (જગમ મિલ્કત ) પરવાનગી વગર કે સહમતી વગર પાર્ક કરેલ તે જગ્યાએથી ખસેડી ચોરી કરી લઇ ગયો હતો. આ બનાવ અંગે ભોગ બનનાર ધર્મેશભાઈએ આરોપી અજાણ્યા ચોર ઈસમ વિરુદ્ધ મોરબી સીટી એ ડીવીજન પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ આઇપીસી કલમ -૩૭૯ મુજબ ગુન્હો નોંધી કાયદેસરની કાર્યવાહી હાથ ધરી છે.
