મોરબીના રવાપર રોડ પરથી બાઈક ચોરીની ફરીયાદ નોંધાઈ
મોરબીના રવાપર રોડ પર આવેલ ૮- વસંત પ્લોટ મકાન સામેથી વૃદ્ધનું કોઈ અજાણ્યો ચોર ઈસમ બાઈક ચોરી કરી લઇ ગયો હોવાની મોરબી સીટી એ ડીવીઝન પોલીસ સ્ટેશનમાં ફરીયાદ નોંધાઈ છે.
મળતી માહિતી મુજબ મોરબીના રવાપર રોડ પર આવેલ ૮- વસંત પ્લોટમાં રહેતા મહેશભાઇ ભાઇલાલ જોષી (ઉ.વ.૬૪) એ આરોપી અજાણ્યા ચોર ઈસમ વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવતા જણાવ્યું હતું કે કોઈ અજાણ્યો ચોર ઈસમ ફરીયાદીનુ હોન્ડા કંપનીનું એકટીવા આઇ રજીસ્ટર નંબર -જીજે-૦૩-એચ.જી-૪૦૧૮ જેની કિંમત રૂપિયા ૧૫,૦૦૦ વાળુ કોઈ અજાણ્યો ચોર ઈસમ ચોરી કરી લઇ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની કાર્યવાહી હાથ ધરી છે.
