વિદેશી દારૂના 14 ગુનામાં સંડોવાયેલ રાજકોટના બુટલેગરને પાસા તળે ડીટેઇન કરી સાબરમતી જેલ હવાલે કરાયો
મોરબી: વિદેશીદારૂના ૧૪ ગુનામાં સંડોવાયેલ રાજકોટના બુટલેગરને પાસા તળે ડીટેઇન કરી સાબરમતી મધ્યસ્થ જેલ,અમદાવાદ હવાલે મોરબી ક્રાઇમ બ્રાન્ચ દ્વારા કરાયો.
પોલીસ અધિક્ષક મોરબીના સૂચના મુજબ મોરબી જીલ્લાના અલગ-અલગ પોલીસ સ્ટેશન પ્રોહીબીશન ગુન્હાઓમાં સંડોવાયેલ ઇસમો સામે પાસા દરખાસ્ત તૈયાર કરી મોરબી જીલ્લા મેજિસ્ટ્રેટ તરફ મોકલતા જીલ્લા મેજિસ્ટ્રેટ મોરબીનાઓએ પ્રોહીબીશનના ગુનામાં સંડોવાયેલ ઇસમનું પાસા વોરંટ ઇશ્યુ કરેલ હોય, જે ઇસમની અટકાયત કરવા સારૂ પોલીસ ઇન્સ્પેકટર એલ.સી.બી, મોરબીના માર્ગદર્શન હેઠળ એલ.સી.બી.મોરબીના પોલીસ સબ ઇન્સ્પેકટર તથા એલ.સી.બી. તથા પેરોલ ફર્લો સ્કવોડના કર્મચારીઓની ટીમ બનાવી ઇસ્યુ થયેલ પાસા વોરંટની બજવણી કરવા પ્રયત્નસીલ હતાં તે દરમ્યાન સામાવાળા ધવલભાઇ ઉર્ફે શિવ બકુલભાઇ જેઠાલાલ વડનગરા ઉ.વ.૩૧ રહે. રાજકોટ,કિર્તિધામ સોસાયટી, શેરી નં.-૦૧, ભવાનીચોક, દેવપરા મેઇનરોડ જે રાજકોટ શહેરનો લીસ્ટેડ બુટલેગર હોય અગાઉ ૧૪ જેટલા ગુન્હામાં સંડોવાયેલ હોય અને અગાઉ વડોદરા તથા અમદાવાદ ખાતે પાસા તળે ડિટેઇન થયેલ છે જેને આજ તા.૨૧/૦૭/૨૦૨૩ ના રોજ પાસા એકટ તળે ડીટેઇન કરી સાબરમતી મધ્યસ્થ જેલ, અમદાવાદ હવાલે કરવામાં આવેલ છે.
