છેલા બે વર્ષ દરમ્યાન નગરપાલિકાના પ્રમુખ દ્વારા કલમ 45 ડી મુજબ કરેલ કામ અને ખર્ચ જાહેર કરવા માંગ
મોરબી: મોરબી નગરપાલિકામાં છેલા બે વરસ દરમ્યાન ભાજપ ના શાસનમાં અતિશય ભ્રષ્ટાચાર થયો છે છેલ્લા બે વર્ષ દરમિયાન મોરબી નગરપાલિકામાં નિયમોને મૂકી કામગીરી અને વહીવટ કરવામાં આવેલ છે.
નગરપાલિકા અધિનિયમ 1963 ની કલમ 45 ડી મુજબ આપાતકાળમાં નગરપાલિકાના પ્રમુખને મળેલ અધિકાર અન્વયે ખર્ચ કરી શકે છે પરંતુ કરેલ ખર્ચ જનરલ બોર્ડમાં મંજુર કરાવવાનો હોય છે અને એ કામ કેમ જરૂરી છે તેનો અહેવાલ આપવો જરરી છે પરંતુ નગરપાલિકા માં છેલ્લા બે વર્ષમાં પ્રમુખે 45 ડી મુજબ કરેલા ખર્ચ જનરલ બોર્ડમાં ચુટેલા સદસ્યોએ નામંજૂર કરેલ છે.
મોરબી નગરપાલિકાના પ્રમુખે કલમ 45ડી મુજબ ક્યા ક્યા કામો કરેલા છે કયા કયા વિસ્તારમાં કામો કરેલા છે કેટલો ખર્ચ આ કામોમાં કરવામાં આવેલ છે ખરેખર આ કામો કરેલા ત્યારે આપાતકાલ હતો ખરો જો તે સમયે આપાતકાળ હોય તો ક્યા સમય દરમિયાન હતો તે તમામની જાણકારી મોરબી શહેરની નગરપાલિકામાં ટેક્સ ભરતી પ્રજાને જાણવાનો પૂરો અધિકાર છે કારણ કે આ જે કંઈ કામો થયા છે તે પ્રજાએ ભરેલા ટેક્સના રૂપિયાથી થયા છે ત્યારે મારી મોરબી નગરપાલિકાના વહીવટદાર અને ચીફ ઓફિસર ને રજૂઆત છે કે છેલ્લા બે વર્ષ દરમિયાન નગરપાલિકાના પ્રમુખે નગરપાલિકા અધિનિયમ 1963 કલમ 45 ડી મુજબ કરેલા કામોની અને કરેલ ખર્ચ કયા કયા કામો કયા કયા વિસ્તારમાં તેની યાદી પ્રજાની જાણકારી માટે નોટિસ બોર્ડ અને દૈનિક વર્તમાન પત્રમાં જાહેર કરવા માટે માગણી છે આ યાદી જાહેર કરવામાં નહીં આવે તો ના છૂટકે નગરપાલિકા સામે ગાંધીજી માર્ગે આંદોલન કરવાની ફરજ પડશે તેમજ ના છૂટકે ન્યાયપાલિકામાં ન્યાય માટે જવાની ફરજ પડશે માટે મોરબીની પ્રજાની લાગણીને માંગણી સમજીને નગરપાલિકા પ્રમુખે કલમ 45 ડી નો કરેલા ગેર ઉપયોગનો અહેવાલ વહેલી તકે જાહેર કરવા મોરબી જિલ્લા કોંગ્રેસ મહા મંત્રી મહેશ રાજ્યગુરુ દ્વારા માંગ કરવામાં આવી છે.
