હળવદ વિસ્તારમાં ખનીજ ચોરીના ગુનામાં છેલ્લા 4 માસથી નાસતો ફરતો આરોપી ઝડપાયો
હળવદ: હળવદ પોલીસ સ્ટેશનના ખનીજ ચોરીના ગુનામાં છેલ્લા ૪ માસથી નાસતા ફરતા આરોપીને મોરબી લોકલ ક્રાઈમ બ્રાંચ અને પેરોલ ફર્લો સ્કવોડેની ટીમે ઝડપી પાડયો છે.
અધિક પોલીસ મહાનિદેશક સી.આઇ.ડી.ક્રાઇમ અને રેલ્વેઝ ગુજરાત રાજ્ય ગાંધીનગરનાઓ તરફથી નાસતા ફરતા આરોપીને પકડવા સારૂ સમગ્ર રાજયમાં તા.૧૦/૦૭/૨૦૨૩ થી તા.૩૦/૦૭/૨૦૨૩ સુધી ખાસ ઝુંબેશનુ આયોજન કરેલ હોય જેથી મોરબી એલ.સી.બી./પેરોલ ફર્લોસ્કોડ, મોરબીના સ્ટાફના માણસો ઉપરોકત કામગીરી કરવા સારૂ પ્રયત્નશીલ હતા. તે દરમ્યાન દરમ્યાન પેરોલ ફર્લો સ્કોડના સ્ટાફને ખાનગી રાહે બાતમી મળેલ કે, હળવદ પોલીસ સ્ટેશનમાં એ પાર્ટ ઇ.પી.કો. કલમ- ૧૨૦બી, ૩૭૯,૧૧૪ તથા MMRD એકટની કલમ-૪(એ), ૨૧ મુજબના ગુન્હાના કામે નાસતો ફરતો આરોપી હઠીસંગ ભુપતભાઇ ટાંક રહે કળમાદ તા.મુળી જીસુરેન્દ્રનગરવાળો તેના રહેણાંક મકાન પાસે રહેલ દુકાન પાસે બેઠેલ હોવાની બાતમીના આધારે સ્ટાફ સાથે તપાસ કરતા નાસતો ફરતો આરોપી હઠીસંગ ભુપતભાઇ ટાંક રજપુત ઉવ. ૪૪ રહે. કળમાદ તા.મુળી જી. સુરેન્દ્રનગરવાળો મળી આવતા તેને હસ્તગત કરી આગળની કાર્યવાહી અર્થે મોરબી સીટી બી ડીવીઝન પોલીસ સ્ટેશનને સોપી આપેલ છે.
