મોરબી માળિયા હાઈવે પરથી 660 લીટર દેશી દારૂ ભરેલ કાર ઝડપાઈ
મોરબી તાલુકાના ટીંબડી ગામની સીમમાં પાટીદાર ટાઉનશીપ સામે મોરબી માળીયા નેશનલ હાઇવે ઉપરથી મારૂતી સુઝુકી કારમાંથી દેશીદારૂ લીટર ૬૬૦/- કિ.રૂ. ૧,૩૨,૦૦૦/- તથા અન્ય મુદ્દામાલ મળી કુલ કિ.રૂ. ૪,૯૨,૦૦૦૦/- નો મુદ્દામાલ મોરબી તાલુકા પોલીસે ઝડપી પાડયો છે.
મોરબી તાલુકા પોલીસને સંયુકતરાહે બાતમી મળેલ કે, એક બ્લુ કલરની મારૂતી સ્વીફટ કાર રજી.નંબર- GJ-36-AL- 5300 વાળી કેફી પીણું ભરી માળીયા (મિં) તરફથી મોરબી બાજુ આવે છે જે બાતમીના આધારે બાતમીવાળી જગ્યાથી દેશીદારૂ લીટર ૬૬૦/- કિ.રૂ. ૧,૩૨,૦૦૦/- તથા અન્ય મુદ્દામાલ મળી કુલ કિ.રૂ. ૪,૯૨, ૦૦૦૦/- નો મુદ્દામાલ કબ્જે કરી આરોપી કાર ચાલક વિરૂદ્ધ મોરબી તાલુકા પોલીસ સ્ટેશન ખાતે પ્રોહીબીશન એકટ હેઠળ ગુન્હો નોંધી કાર્યવાહી કરેલ છે.
