મોરબી: મોરબીમાં ચાર-પાંચ દિવસ પહેલા મોરબી લાતી પ્લોટ શેરી નં-૨ માં આવેલ શીવ મંડપ સર્વિસ માંથી કિ.રૂ.૧,૬૮,૭૫૦ના માલતાની ચોરી કરેલ તથા ચોરીમાં ઉપયોગ કરેલ વાહન કિ.રૂ.૨,૦૦,૦૦૦/- ના મુદામાલ સાથે પાંચ આરોપીઓને મોરબી સીટી એ ડીવિઝન પોલીસે ગણતરીના દિવસોમાં ઝડપી પાડી 1,68,750 રૂપિયાનો મુદ્દામાલ રીકવર કરી સરાહનીય કામગીરી કરી છે. મોરબી સીટી એ ડીવિઝન પોલીસે તસ્કરો સામે લાલ આંખ કરી સકંજો કસીયો અને લાખોના માલમતાની ચોરીનો ભેદ ગણતરીના દિવસોમાં જ ઉકેલી નાખ્યો છે.
મોરબી જીલ્લા પોલીસ અધિક્ષક નાઓની સુચના તેમજ નાયબ પોલીસ અધિક્ષક મોરબી ડીવીઝન મોરબી નાઓના માર્ગદર્શન હેઠળ પોલીસ ઇન્સ્પેકટર એમ.પી.પંડયા નાઓએ મિલ્કત વિરૂધ્ધના અનડીટેકટ ગુન્હાઓ ડીટેકટ કરવા તેમજ અટકાવવા જરૂરી સુચના માર્ગદર્શન કરેલ હોય જે અનુસંધાને ગઈ તા. ૨૭/૦૯/૨૦૨૨ ના રોજ રાત્રીના સમયે મોરબી લાતીપ્લોટ શેરી નં-ર શીવ મંડપ સર્વીસમાથી મંડપ સર્વીસની અલગ અલગ વસ્તુઓની ચોરી થયેલ હોય જે અનુસંધાને મોરબી સીટી એ ડીવીઝન પોલીસ સ્ટેશનનો સ્ટાફ પેટ્રોલીગમાં હોય તે દરમ્યાન પોલીસ કોન્સ્ટેબલ સિધ્ધરાજસિંહ જાડેજા તથા હિતેષભાઇ ચાવડા તથા સિધ્ધરાજભાઇ લોખીલ નાઓને મળેલ સંયુકતમા ખાનગી રાહે મળેલ બાતમીના આધારે તેમજ નેત્રમ સીસીટીવી કેમેરાની મદદથી ચોરીમા ઉપયોગ થયેલ સુપર કેરી લોડીંગ વાહનમા ચાર ઈસમો. હિતેશભાઇ દીલીપભાઇ પાટડીયા (રહે.કબીર ટેકરી, શેરી નં.૪), આકાશભાઇ મનોજભાઇ હામેણીયા ( રહે.લીલાપર રોડ, નીલ કમલ સોસાની બાજુમાં ), અજયભાઇ સવજીભાઇ કુંઢીયા (રહે.મોરબી-૨ માળીયા ફાટક પાસે ઉમાટાઉન શીપનાગેઇટથી આગળ), તથા આશીફભાઇ હમીદભાઇ શેખ રહે.મોરબી માળીયા ફાટક પાસે કાંતીનગર લીલાપર રોડ સરકારી આવાસ યોજના સામેથી મળી આવતાં તેઓને વિશ્વાસમા લઇ યુકિત પ્રયુકિતથી પુછપરછ કરતા તેઓએ આ ચોરી કરેલાની કબુલાત આપેલ હોય અને સદરહુ ચોરીનો માલ હાજીભાઇ મુસાભાઇ ખુરેશી રહે.મોરબી કબીર ટેકરી વાળાને આપેલ હોય જેથી મજકુરના મોરબી-૨ સર્કીટ હાઉસ સામે આવેલ ભંગારના ડેલામાથી ચોરીમા ગયેલ મુદામાલ રીકવર કરવામા આવેલ છે. તેમજ એક સગીરવયના બાળકિશોરની સંડોવણી ખુલતા તેને જુવેનાઇલ કોર્ટમા રજુ કરવામા આવેલ છે. આમ પાંચેય આરોપીઓ તેમજ એક સગીર વયના બાળકિશોર વિરુધ્ધ યોગ્ય કાર્યવાહી કરી મોરબી સીટી એ ડીવીઝન ખાતે ઈ.પી.કો. કલમ.૪૫૭,૩૮૦ મુજબ નો ગુન્હો ડીટેકટર કરેલ છે.
પોલીસ દ્વારા ચોરી ગયેલ મંડપ સર્વીસનો કિ.રૂ.૧,૬૮,૭૫૦ નો તમામ મુદામાલ રીકવર કરેલ છે તેમજ ચોરીમાં ઉપયોગ કરેલ સુપર કેરી માલવાહક વાહન નં.જી.જે.૩૬-વી.-૧૯૯૪ કિં.રૂ. ૨,૦૦,૦૦૦ વાળી ગાડી પોલીસે કબજે કરી છે.
મોરબી સીટી એ ડીવિઝન પોલીસ સ્ટેશનના પોલીસ અધિકારી એમ.પી.પંડયા પોલીસ ઇન્સ્પેકટર તથા પોલીસ સબ ઇન્સ્પેક્ટર આર.પી.રાણા તથા એ.એસ.આઇ કિશોરદાન ગઢવી તથા કિશોરભાઇ પારઘી તથા મનસુખભાઇ દેગામડીયા તથા પોલીસ કોન્સ્ટેબલ ચકુભાઇ કરોતરા તથા સિધ્ધરાજસિંહ જાડેજા તથા હિતેષભાઇ ચાવડા તથા આશીફભાઇ રાઉમા તથા તેજાભાઇ ગરચર વિગેરેનાઓ દ્વારા ચોરીનો ભેદ ઉકેલવામાં સરાહનીય કામગીરી કરી છે.
ચાલુ વર્ષે ભારતમાં આબોહવા અને ઋતુચક્રમાં એક મોટો તથા ચિંતાજનક બદલાવ જોવા મળી રહ્યો છે. સામાન્ય રીતે જે કાળઝાળ ગરમી એપ્રિલ કે મે મહિનામાં અનુભવાતી હોય છે, તેણે આ વર્ષે માર્ચ મહિનાની શરૂઆતમાં જ પોતાનું રૌદ્ર સ્વરૂપ બતાવવાનું શરૂ કરી દીધું છે. ગુજરાત અને મહારાષ્ટ્ર સહિત દેશના અનેક રાજ્યોમાં...
રાજકોટ શહેર મહાનગરપાલિકાની આગામી ચૂંટણીને લઈને સ્થાનિક રાજકીય માહોલ ધીમે ધીમે ગરમાઈ રહ્યો છે. આ ચૂંટણી જંગમાં મજબૂત દાવેદારી નોંધાવવાના હેતુથી આમ આદમી પાર્ટી (AAP) દ્વારા પોતાની સંગઠનાત્મક તૈયારીઓ તેજ કરી દેવામાં આવી છે. જેના ભાગરૂપે પાર્ટી દ્વારા તાજેતરમાં રાજકોટના તમામ વોર્ડ માટે સઘન ઉમેદવાર પસંદગી પ્રક્રિયા હાથ ધરવામાં...
મારુતિનગર પ્રાથમિક શાળામાં આપત્તિ વ્યવસ્થાપન પ્રોજેક્ટ અંતર્ગત શાળા સલામતી અંગે વિશેષ કાર્યક્રમનું આયોજન કરવામાં આવ્યું હતું. કાર્યક્રમ દરમિયાન વિદ્યાર્થીઓને આગ, પૂર, ભૂકંપ જેવી આપત્તિઓ સમયે કેવી રીતે સાવચેત રહેવું અને સુરક્ષિત રીતે વર્તવું તે અંગે માર્ગદર્શન આપવામાં આવ્યું હતું.કાર્યક્રમના ભાગરૂપે શાળા પરિસરમાં ફાયર ડેમોસ્ટ્રેશન પણ કરવામાં આવ્યું હતું, જેમાં...
