મોરબી: રવાપર- ઘુનડા રોડ પર આવેલ એપાર્ટમેન્ટમાં વોચમેને રૂ.5 લાખ 90 હજારની કરી ચોરી

મોરબી: મોરબીના રવાપર – ઘુનડા રોડ વેલકમ પ્રાઈડ ક્રિષ્ના સ્કુલ સામે રેહણાંક એપાર્ટમેન્ટ રૂમ નં – C-901માથી વોચમેનને બે અજાણ્યા શખ્સો બોલાવી રૂ. ૫લાખ ૯૦ હજારની ચોરી કરી લઇ ગયા હોવાની ભોગ બનનારે મોરબી સીટી એ ડીવીઝન પોલીસ મથકે ફરીયાદ નોંધાવી છે.

મળતી માહિતી મુજબ મોરબીના રવાપર – ઘુનડા રોડ વેલકમ પ્રાઈડ ક્રિષ્ના સ્કુલ સામે રેહણાંક એપાર્ટમેન્ટ રૂમ નં – C-901મા રહેતા ડો. અલ્કેશ નાગરભાઈ પારેજીયા (ઉ.વ.૪૫) એ આરોપી વેલકમ પ્રાઈડના સી – બ્લોકના બહાદુર વોચમેન જૈદાન લુવાર માનસીંગ રહે. સાની ત્રીવેણી ગાંવપાલીકા -૨ કાલીકોટ ઉર્ફે જગત બહાદુર તથા તેની સાથેના બે અજાણ્યા શખ્સો વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવી છે કે ગત તા.૨૬-૧૦-૨૦૨૨ ના રોજ રાત્રીના સમયે આરોપી જૈદાન લુવાર સી-બ્લોકમાં વોચમેન તરીકે કામ કરતા હેાય જે આરોપીએ અન્ય અજાણ્યા બે ઇસમોને બોલાવી ફરીયાદીના રહેણાંક એપાર્ટમેન્ટ રૂમનં- C-901 ના ઉપરના ટેરેસના પાછળના દરવાજાના એલ્યુમિનીયમની બારી ખોલી રૂમમાં ગેરકાયદેસર પ્રવેશ કરી નીચેના તથા ઉપરના રૂમના કબાટના લોકર તોડીને ગેસ્ટ રૂમમા રાખેલ રોકડા રૂપીયા ૧૮૦૦૦૦/- તથા દીકરીના ગલ્લાના રૂપિયા ૧૦,૦૦૦/- તથા ફરીયાદીની રોજગોલ્ડ સોનાની લકી ત્રણતોલાની કિ.રૂ.૯૦,૦૦૦/- તથા રોજગોલ્ડ સોનાનો ચેન ચાર તોલાનો કિ.રૂ.૧,૨૦,૦૦૦/- તથા સોનાની વીટી પ, ગ્રામ કિ.રૂ.૧૫,૦૦૦/- તથા સોનાનો સીકો કિ.રૂ.૧૫,૦૦૦/- તથા ચાંદી દાગીના જેમાં બે જોડી સાંકળા કિ.રૂ.૮૦૦૦/- તથા બે ચાંદીના સીકકા રૂ.૧૦૦૦તથા ચાંદીની કંકાવટી મળી કુલ રૂ.૧૦૦૦/- તથા ઉપરના માળે રૂમના કબાટમાં રાખેલ રોકડા રૂપિયા૧૫૦૦૦૦/- મળી કુલ મુદામાલ કિ.રૂ.૫,૯૦,૦૦૦/-ના મુદામાલની ચોરી કરી લઇ ગયા હોવાની ભોગ બનનાર અલ્કેશભાઈ એ આરોપી વિરુદ્ધ મોરબી સીટી એ ડીવિઝન પોલીસ સ્ટેશનમાં ફરીયાદ નોંધાવતા પોલીસે આઇ.પી.સી કલમ.૩૮૦,૪૫૭,૧૧૪ મુજબ ગુન્હો નોંધી આગળ તપાસ હાથ ધરી છે.