મોરબી-વાંકાનેર રોડ પર ટ્રકે હડફેટે લેતા બાઈક સવારનું મોત
મોરબી: મોરબી વાંકાનેર રોડ ઉપર લાલપર ગામ પાસે હોનેસ્ટ હોટલ સામે રોડ ઉપર ટ્રકે હડફેટે લેતા બાઈક સવારનું મોત નિપજ્યું હતું. આ બનાવ અંગે મૃતકના પુત્રએ આરોપી ટ્રક ચાલક વિરુદ્ધ મોરબી તાલુકા પોલીસ મથકમાં ફરીયાદ નોંધાવી છે.
મળતી માહિતી મુજબ મોરબીના પાવન પાર્ક શેરી નં -૧મા રહેતા યશભાઈ મુકેશભાઈ ચૌહાણ ઉ.વ.૨૧ વાળાએ આરોપી ટ્રક રજીસ્ટર નંબર- RJ-19-GH-8117 ના ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવી છે કે ગત તા.૦૮-૦૭-૨૦૨૩ ના રોજ સાંજના સાડા આઠેક વાગ્યાના અરસામાં આરોપીએ પોતાના હવાલા વાળી ટ્રક રજીસ્ટર નં.RJ-19-GH-8117 વાળી પુરઝડપે અને ગફલતભરી રીતે મનુષ્યની જીંદગી જોખમાય તે રીતે પુર ઝડપે અને બેફીકરાઇથી ચલાવી ફરીયાદીના પિતાજી મુકેશભાઇ પરસોતમભાઇ ચૈાહાણ ઉવ-૫૨ વાળા ટી.વી.એસ. કંપનીનુ સ્કુટી મોટર સાઇકલ રજીસ્ટર નં- GJ-03- DQ-8639 વાળુ લઇને પાનેલી રોડ ઉપર કારખાને તાવો ખાવા જતા હતા ત્યારે લાલપર ગામ પાસે હોનેસ્ટ હોટલની સામે મોરબી વાકાનેર રોડ ઉપર હડફેટ લઇ લેતા તેને બન્ને હાથમા તથા શરીરે ગંભીર ઇજા પહોચાડી મોત નીપજાવી પોતાનો ટ્રક મુકી નાશી ગયો હતો. આ બનાવ અંગે મૃતકના પુત્ર યશભાઈએ આરોપી ટ્રક ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા ફરીયાદના આધારે પોલીસે આરોપી વિરુદ્ધ ઈપીકો કલમ -૨૭૯,૩૦૪(અ) તથા એમ.વી.એક્ટ કલમ -૧૭૭,૧૮૪ મુજબ ગુન્હો નોંધી કાયદેસરની કાર્યવાહી હાથ ધરી છે.
