મોરબીમાંથી ખોવાયેલા 17 મોબાઈલ શોધી કાઢી અરજદારોને પરત કરતી બી ડિવિઝન પોલીસ
“તેરા તુજકો અર્પણ” કાર્યક્રમ અંતર્ગત “CEIR” પોર્ટલના ઉપયોગથી મોરબી સીટી બી ડીવીઝન પોલીસ સ્ટેશન વિસ્તારમાંથી આશરે ૩,૦૪,૦૦૦/- ની કિમતના ૧૭ જેટલા ખોવાયેલ મોબાઇલો શોધી કાઢી અરજદારોને મોરબી સીટી બી ડીવીઝન પોલીસ દ્વારા પરત કરવામાં આવ્યા છે.
મોરબી શહેરમાં આવેલ સીટી બી ડીવીઝન પોલીસ સ્ટેશન વિસ્તારમાં અરજદારોના ખોવાયેલ/ચોરાયેલ મોબાઇલ શોધી કાઢવા પોલીસ સ્ટાફને સુચના કરેલ હોય જે અનુસંધાને સિટી બી ડીવીઝન પોલીસે “CEIR” પોર્ટલનો ઉપયોગ કરી “CEIR” મા એન્ટ્રી કરી સતત મોનીટરીંગ રાખી ટેકનીકલ વર્ક આઉટ કરી ૧૭ જેટલા આશરે ૩,૦૪,૦૦૦/- ની કિમતના મોબાઇલો શોધી કાઢી, એક સાથે પરત અપાવી સુરક્ષા સાથે સેવાનુ ઉત્તરદાયિત્વ નિભાવી, પોલીસ પ્રજાની મિત્ર છે એ સુત્ર મોરબી પોલીસે સાર્થક કરેલ છે.
