પોલીસ લાઇન કુમાર તાલુકા શાળા મોરબી દ્વારા વાવડી ખાતે ક્રિકેટ પ્રીમિયર લીગ યોજાઈ
મોરબી: શ્રી પોલીસ લાઈન કુમાર તાલુકા શાળા મોરબી દ્વારા બેગલેસ ડે અંતર્ગત પોલીસ લાઈન પ્રીમિયર ક્રિકેટ લીગનું આયોજન વાવડી ખાતે આવેલ બોક્સ ક્રિકેટમા કરેલ.
જેમાં ધોરણ 6 થી 8 ના વિદ્યાર્થીઓની કુલ ચાર ટીમે ભાગ લીધો હતો. આ ચાર ટીમમાં ટાઈગર ઇલેવન જેમના કોચ દેવાયતભાઈ, લાયન ઇલેવન જેમના કોચ રાકેશભાઈ, પેન્થર ઇલેવન જેમના કોચ વિરેનભાઈ અને ડોલ્ફિન ઇલેવન જેમના કોચ પ્રજ્ઞેશભાઈ હતા.
આ બોક્સ ક્રિકેટમાં પ્રથમ રાઉન્ડમાં કુલ 6 મેચ રમાડવામાં આવ્યા હતા. જેમાંથી બે ટીમ ટાઈગર ઇલેવન અને લાયન ઇલેવન ફાઈનલમાં પહોંચી હતી.ફાઇનલ મેચ ટાઈગર ઇલેવન 10 રનથી જીતી હતી.
ત્યારબાદ મેન ઓફ ધ મેચ અરમાનને વિરેનભાઈ દ્વારા, મેન ઓફ ધ સિરીઝ રેહાનને દેવાયતભાઈ દ્વારા, રનર્સ અપ ટીમને પ્રજ્ઞેશભાઈ દ્વારા અને વિજેતા ટીમને પોલીસ લાઈન કુમાર શાળાના આચાર્ય રાકેશભાઈ દ્વારા ટ્રોફી આપી રમતવીરોને સન્માનિત કરવામાં આવ્યા.
