કૃષિ કાયદાઓ સામે ચાલી રહેલા આંદોલનમાં બળાત્કારનો ભોગ બનેલી પશ્ચિમ બંગાળની યુવતી તેના માતાપિતાની એકમાત્ર સંતાન હતી. બંનેને જીવનની એક માત્ર આશા તેમની પુત્રી હતી. પિતાની જેમ સંઘર્ષશીલ માણસ બનવાની ઇચ્છા સાથે આંદોલનમાં આવી હતી, પરંતુ તેણે કલ્પના પણ નહોતી કરી કે તે આવી રીતે ફસાઈ જશે. તેના મૃત્યુના 10 દિવસ બાદ ન્યાય શરૂ થઈ ગયો છે. કેસ નોંધવામાં આવ્યો છે. હવે આ મામલાની તપાસ માટે પોલીસની એસઆઈટીની રચના કરવામાં આવી છે. જેમાં ડીએસપી પવન કુમાર, સિટી પોલીસ સ્ટેશનના ઇન્ચાર્જ, મહિલા પોલીસ સ્ટેશનના ઇન્ચાર્જ, સીઆઇએના ઇન્ચાર્જ અને સાયબર સેલના ઇન્ચાર્જ નો સમાવેશ થાય છે. આ કેસ નોંધાયા બાદથી પોલીસની ત્રણ ટીમો આરોપીની શોધખોળ કરી રહી છે. શનિવારે રાત્રે પણ સીઆઈએની ટીમે આંદોલન સાથે સંકળાયેલા કેટલાક નેતાઓને ખખડાવ્યા હતા અને આરોપીઓના ઠેકાણા અંગે પૂછપરછ કરી હતી. ડીએસપી પવન કુમારે કહ્યું કે આરોપીની ટૂંક સમયમાં ધરપકડ કરવામાં આવશે. સાથે જ આ મામલે તમામ પુરાવા પણ એકત્રિત કરવામાં આવી રહ્યા છે. ત્રણ કૃષિ કાયદાઓ સામે ચાલી રહેલ આંદોલન હવે ગુનેગારો માટે આશ્રયસ્થાન બની રહ્યું છે. બે હત્યાઓ, લૂંટની બે ઘટના સાથે જોડાયેલ આરોપી આ આંદોલનની વચ્ચે હતા. હવે અહીં ગેંગરેપના આરોપમાં પણ કેસ નોંધવામાં આવ્યો છે. અપહરણ, ષડયંત્ર, ધાકધમકી, છેડતીના પણ આક્ષેપો છે.
