મોરબી: ટ્રાફિક પોલસ દ્વારા નિયમો તોડનાર સામે ઝુંબેશ છતા આડેધડ પાર્કિંગ યથાવત ?
મોરબી: ડાર્ક કાચ વાળી કાર વિરુદ્ધ તેમજ ટ્રાફિક નિયમો તોડતા લોકો વિરુદ્ધ ઝુંબેશ છતા આડેધડ પાર્કિંગ યથાવત ?
મોરબી શહેરમાં ટ્રાફિક નો મુદ્દો બહુ જૂનો છે આડેધડ પાર્કિંગ તેમજ મોંઘીદાટ કાર ના માલિકો રસ્તા પર આડેધડ પાર્કિંગ કરીને અન્ય વાહન ચાલકોને અડચણો ઉભી કરતા હોય છે અગાઉ પણ સ્કાય મોલ નજીક સ્થાનિકો એ લેખિત ફરિયાદો કરી હતી તેમ છતાં પરિણામ શૂન્ય છે સ્કાય મોલ નજીક આવેલ સોસાયટી પર જવાના માર્ગે ગાડી પાર્કિંગ કરીને રાહદારીઓ તેમજ સ્થાનિકો ને અડચણરૂપ થવાની ફરિયાદ અવાર નવાર કરવામાં આવી છે ત્યારે ત્યાં પણ કાયદાનો દંડો ઉપાડવાની જરૂર છે તેવું સ્થાનિકો માં ચર્ચાઈ રહ્યું છે.હાલતો ટ્રાફિક પોલીસ ડાર્ક કાચ વાળી ગાડીઓ પાછળ પડી છે તે સારું છે પણ સ્કાયમોલ પાસે પણ એક લટાર મારે તેવું સ્થાનિકો ઈચ્છી રહ્યા છે
મોરબી પોલીસ ટ્રાફીક શાખાના કર્મચારીઓ દ્વારા છેલ્લા ત્રણ દીવસ દરમ્યાન અલગ અલગ પોઇન્ટ તથા વિસ્તારમા વાહન ચેકીગ ગોઠવી એમ વી એક્ટના નિયમોનુ ભંગ કરતા વાહન ચાલકો વિરૂધ્ધ કાયદેશરની કાર્યવાહીના ઝુંબેશના ભાગ રૂપે ડાર્ક ફીલ્મ લગાડીને ચલાવતા ૫૦ વાહન ચાલકોના વાહનોની ડાર્ક ફીલ્મ સ્થળ પર ઉતારી ડાર્ક ફીલ્મ રાખવા બાબતે સ્થળ દંડ કરવામા આવેલ તેમજ ચાલુ મોબાઇલ ડ્રાઇવિંગ કરતા ૨૯ વાહન ચાલકો તેમજ હાઇવે ઉપર હેલ્મેટ વગર ટુ વ્હિલર ચલાવતા ૧૩ વાહન ચાલકો તેમજ રોડ રસ્તામાં અડચણ રૂપ પાર્કીંગ કરતા ૩૭ વાહન ચાલકો તેમજ આર.ટી.ઓ માન્ય એચ એસ આર પી નબર પ્લેટ લગાવ્યા વગરના ૯ વાહન ચાલકો એમ અલગ અલગ M.V.ACT હેઠળ ૩૨૩ કેશો કરી સ્થળ પર ૩, ૧,૩૮,૪૦૦/- સ્થળ દંડ વસુલ કરવામા આવેલ તેમજ ડાઇવિંગ લાયસન્સ વગર વાહન ચલાવતા ૨૮ વાહન ચાલકોના વાહન એમ.વી.એક્ટ ૨૦૭ મુજબ આર.ટી.ઓ ડીટેઇન મેમા આપવામા આવેલ તેમજ ગતિમર્યાદા ભંગ કરતા તેમજ પુર ઝડપે અને રાહદારીની જીંદગી જોખમાય તે રીતે વાહન ચલાવતા વાહન ચાલકો તેમજ રોડ ઉપર અક્સમાત થાય તેવી રીતે પાર્કીંગ કરનાર વાહન ચાલકો વિરૂધ્ધ IPC કલમ ૨૭૯ તથા IPC ૨૮૩ મુજબના કેશો કરી કાયદેસરની કાર્યવાહી હાથ ધરી હતી
પોલીસે પ્રજા જોગ સંદેશ આપતા જણાવ્યુ હતુ કે એમ વી.એક્ટ મુજબ ટ્રાફીક નિયમોનુ પાલન કરવું તેમજ વાહનમા આર.ટીઓ માન્ય HSRP નંબર પ્લેટ તથા ફીલ્મ લગાવવી તેમજ પોતાના વાહન કોઇ નો-પાર્કીંગ કે પછી અડચણ રૂપ જગ્યાએ પાર્કીંગ કરવુ નહી. તેમજ ડ્રાઇવિંગ લાઇસન્સ વગર વાહન ચલાવવું નહી અને વાહનના કાગળો સાથે રાખવા અને હાઇવે ઉપર ટુ-વ્હીલર ચલાવતી વખતે હેલ્મેટ પહેરવુ અને ડ્રાઇવિંગ કરતી વખતે મોબાઇલમા વાત કરવી નહી આમ ટ્રાફીક નીયમોનુ પાલન કરવુ તેમજ ટ્રાફીક નિયમોનુ પાલન નહીં કરતા વાહન ચાલકો વિરૂધ્ધ એમ વી.એક્ટ મુજબ કાયદેશરની કાર્યવાહી કરવામા આવશે.
