યોગ દિવસ અંગે જાગૃતિ સંદર્ભે પોલીસ દ્વારા મોરબીમાં બાઇક રેલી યોજાઇ

મોરબી: નવમા આંતરરાષ્ટ્રીય યોગ દિવસ-૨૦૨૩ અંતર્ગત યોગ દિવસે જાગૃતિ સંદર્ભે મોરબી જિલ્લા પોલીસ દ્વારા મોરબીમા બાઇક રેલી યોજાઇ હતી.

આગામી તા.૨૧-૦૬-૨૦૨૩ ના રોજ નવમા આંતરરાષ્ટ્રીય યોગ દિવસ-૨૦૨૩ ની ઉજવણી સમગ્ર રાજયમા થનાર છે.જે અંતર્ગત ગૃહ વિભાગ દ્વારા તા.૧૮/૦૬/૨૦૨૩ ના રોજ બાઇક રેલીના માધ્યમથી યોગ અંગેની જાગૃતી કાર્યક્રમનુ આયોજન કરવા માટે સુચના કરવામા આવેલ છે. જે અનવ્યે પોલીસ અધિક્ષક રાહુલ ત્રિપાઠીની સુચનાથી નાયબ પોલીસ અધિક્ષક, મુખ્ય મથક પી. એસ.ગોસ્વામીની અધ્યક્ષતામા આજે તા.૧૮/૦૬/૨૦૨૩ ના રોજ મોરબી સીટી ટાઉન વિસ્તારમા બાઇક રેલીનુ આયોજન કરવામા આવેલ આ કાર્યક્રમમા પી.એસ. ગોસ્વામી, નાયબ પોલીસ અધિક્ષક,મુખ્ય મથક, પી.એ.ઝ ઝાલા, નાયબ પોલીસ અધિક્ષક, મોરબી વિભાગ, કે.એ.વાળા, પોલીસ ઇન્સપેકટર, મોરબી તાલુકા પોલીસ સ્ટેશન, એસ.એમ. ચૌહાણ, રીઝર્વ પોલીસ ઇન્સપેકટર, પોલીસ હેડ કવાર્ટર, મોરબી તેમજ ૧૦૦ જેટલા કર્મચારીઓએ ભાગ લીધો હતો.