પટનાના કંકડબાગ પોલીસ સ્ટેશન વિસ્તારના શાલીમાર પાસે પંજાબ નેશનલ બેંકના એટીએમ મશીનને ગેસ કટરથી તોડતા પાંચ ગુનેગારોની પોલીસે ધરપકડ કરી છે. આ અંગે કંકડબાગ પોલીસને ત્યારે ખબર પડી જ્યારે મુંબઇ સ્થિત કંટ્રોલ રૂમમાં ત્યાં એલાર્મ વાગ્યો. પકડાયેલા લૂંટારુઓની ઓળખ બાંકા નિવાસી શુભમ કુમાર, અરરિયા નિવાસી કુંદન કુમાર અને અખિલેશ, આરાના રહેવાસી અભિષેક કુમાર અને ચંદન પાસવાન તરીકે થઈ છે. પોલીસના જણાવ્યા મુજબ અંધકારનો લાભ લઇને અન્ય એક ગુનેગાર નાસી છૂટયો હતો. તેની ઓળખ મેળવવા અને તેની ધરપકડ કરવા દરોડા પાડવામાં આવી રહ્યા છે. પૂછપરછ દરમિયાન લૂંટારુઓએ જણાવ્યું હતું કે એટીએમ મશીન કેવી રીતે તોડવું તે યુ ટ્યુબ પરથી શીખ્યા હતા.શનિવારે રાત્રે 3.10 વાગ્યે આ ઘટના બની હતી. ગુનેગારો કોથળામાં ગેસ કટર, ઓક્સિજન સિલિન્ડર અને અન્ય વસ્તુઓ લઇ જતા એટીએમ મશીન પાસે ગયા હતા. એટીએમ મશીનોની અંદર કોઈ ડિવાઇસ હતું તે જાણતા ન હતા, મુંબઇની હેડ ઓફિસમાં પણ તેનું નિરીક્ષણ કરવામાં આવે છે. અપરાધીઓએ ગેસ કટરથી એટીએમ તોડવાનું શરૂ કર્યું. ત્યારબાદ એટીએમ સાથે ચેડા થઈ ત્યારે મુંબઇ કંટ્રોલ રૂમમાં એલાર્મ વાગ્યો. ત્યાં તૈનાત કર્મચારીઓએ કંકડબાગ પોલીસ સ્ટેશનની પોલીસને જાણ કરી હતી. બાતમી મળતાની સાથે જ પોલીસ ફોર્સ સાથે એટીએમની બહાર પહોંચી ગયા હતા અને તેનો ઘેરો કર્યો હતો. પોલીસને જોઇને ગુનેગારોએ ભાગવાનો પ્રયાસ કર્યો, ત્યારબાદ પોલીસને બંદૂક દેખાડવી પડી ત્યારબાદ પાંચ ગુનેગારોની ધરપકડ કરવામાં આવી, એક નાસી છૂટ્યો. તેમની પાસેથી એક દેશી કટ્ટા, સિલિન્ડર અને ગેસ કટર મળી આવ્યો છે. પુછપરછ દરમિયાન જાણવા મળ્યું કે, તમામ આરોપી ચિરૈયાતાંડ બ્રિજ વિસ્તારમાં ભાડે મકાનમાં રહે છે. પોલીસની સક્રિયતાથી 25 લાખની ચોરી થતી અટકી હતી. આ ટોળકીએ અગાઉ રાજીવ નગરના જક્કનપુર સ્થિત અન્ય ઘણા એટીએમ મશીનો તોડવાનો પ્રયાસ કર્યો હતો. ગુનેગારો મોજા અને માસ્ક પહેરીને આ ઘટનાને અંજામ આપી રહ્યા હતા.
પટનામાં એટીએમ તોડવાનો પ્રયાસ થયો, મુંબઈમાં એલાર્મ વાગ્યો; યુટ્યુબ પરની શીખ કામ ન આવી.
