ધાંગધ્રા-હળવદ હાઈવે પર રોડ ક્રોસ કરતી વખતે કારે હડફેટે લેતા યુવકનુ મોત
હળવદ: ધાંગધ્રા-હળવદ હાઈવે રોડ પર આશાપુરા હોટેલ સામે રોડ ક્રોસ કરતી વખતે કાર ચાલકે હડફેટે લેતા યુવકનુ મોત નિપજ્યું હતું. આ બનાવ અંગે યુવકના ભત્રીજાએ આરોપી કાર ચાલક વિરુદ્ધ હળવદ પોલીસ સ્ટેશનમાં ફરીયાદ નોંધાવી છે.
મળતી માહિતી મુજબ હળવદ તાલુકાના કોયબા ગામે રહેતા સાગરભાઈ બાબુભાઈ બાલાસણીયા ઉ.વ.૩૩વાળાએ આરોપી સ્વીફ્ટ કાર જેના રજીસ્ટર નં-GJ-36-V-2527 ના ચાલક વિરુદ્ધ હળવદ પોલીસ સ્ટેશનમાં ફરીયાદ નોંધાવી છે કે ગત તા.૧૯-૦૭-૨૦૨૩ ના રોજ રાત્રીના નવેક વાગ્યાના સુમારે આરોપીએ પોતાના હવાલા વાળી સ્વીફ્ટ મોડેલની ગાડી જેના રજીસ્ટર નં-GJ-36-V-2527 વાળી પુરઝડપે અને ગફલતભરી રીતે મનુષ્યની જીંદગી જોખમાય તે રીતે ચલાવી ફરીયાદીના કાકા પ્રવિણભાઇ કુકાભાઇ ઉ.વ.૩૩ વાળા ચાલીને રોડ ક્રોસ કરતા હોય તેઓને હડફેટે લઇ માથામાં તથા પગમાં તથા શરીરે ગંભીર ઇજાઓ કરી મોત નિપજાવી આરોપી પોતાની ગાડી લઇ નાશી ગયો હતો. આ બનાવ અંગે મૃતકના ભત્રીજા સાગરકુમારે આરોપી કાર ચાલક વિરુદ્ધ હળવદ પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ આઇપીસી કલમ -૨૭૯,૩૦૪,અ તથા એમ.વી.એક્ટ કલમ -૧૭૭,૧૮૪,૧૩૪ મુજબ ગુન્હો નોંધી કાયદેસરની કાર્યવાહી હાથ ધરી છે.
