દિલ્હીના સીએમ અરવિંદ કેજરીવાલે શનિવારે ડિજિટલ પ્રેસ કોન્ફરન્સ દરમિયાન જાહેરાત કરી હતી કે 7 જૂન પછી એક અઠવાડિયા સુધી લોકડાઉન ચાલુ રહેશે, પરંતુ બજારો ખુલશે અને દિલ્હી મેટ્રો પણ કાર્યરત થશે. અરવિંદ કેજરીવાલે પણ જાહેરાત કરી હતી કે સોમવારથી ઓફિસો ખોલવામાં આવી રહી છે. સરકારી કચેરીઓમાં કલાસ વન અને તેનાથી ઉપરના અધિકારીઓ ૧૦૦ ટકાની ક્ષમતા સાથે આવશે. આની નીચેના સ્ટાફમાં ૫૦ ટકા હાજરી રહેશે, જ્યારે ખાનગી કચેરીઓમાં ૫૦ ટકા કર્મચારીઓ રાખવાની મંજૂરી આપવામાં આવશે. અરવિંદ કેજરીવાલે તમામ ખાનગી કચેરીઓને તેમના કર્મચારીઓને વર્ક ફ્રોમ હોમ કરવાની અપીલ કરી છે.
નવી દિલ્હીમાં પત્રકારો સાથેની વાતચીતમાં અરવિંદ કેજરીવાલે કહ્યું કે કોરોના ઇન્ફેક્શનના કેસ હવે ઘટી ગયા છે અને છેલ્લા કેટલાક દિવસોમાં ટ્રાન્ઝિશન રેટ એક ટકાથી નીચે રહ્યો છે. આવી સ્થિતિમાં બજાર સાથે જોડાયેલી સંસ્થાઓ બજાર ખોલવાની તરફેણમાં છે. કડક નિયમો સાથે બજારો ખોલવાની મંજૂરી આપવા માટે તમામ દરખાસ્તો તેમની પાસે આવી છે. દિલ્હીના બજારો એક મહિનાથી વધુ સમયથી બંધ છે. સોમવારે સવારે ૫ વાગ્યે લોકડાઉન સમાપ્ત થવા જઈ રહ્યું છે. આ પહેલા શનિવારે એલજી સાહેબની આગેવાનીમાં દિલ્હી ડિઝાસ્ટર મેનેજમેન્ટ ઓથોરિટીની બેઠક મળી હતી. બજારો અને મોલને કડક નિયમો સાથે ખોલવામાં આવશે તેવો નિર્ણય લેવામાં આવ્યો છે. અડધી દુકાનો એક દિવસ ખુલશે અને બીજા દિવસે અડધી દુકાનો ખુલશે. બજારો સવારે ૮ થી રાત્રે ૧૦ વાગ્યા સુધી ખુલશે. ત્યાર પછી નાઇટ કર્ફ્યુ અમલમાં આવશે.
અરવિંદ કેજરીવાલની મોટી જાહેરાત
ઓડ-ઇવનના આધારે દુકાનો ખુલશે
ક્લાસ વન અધિકારીઓ આવશે
૫૦ ટકા કર્મચારીઓ સાથે ખાનગી કચેરીઓ ખોલી શકાશે.
દિલ્હી મેટ્રો 50 ટકા પેસેન્જર સાથે દોડશે
બજારો સવારે ૮ થી રાત્રે ૧૦ વાગ્યા સુધી ખુલશે.
અરવિંદ કેજરીવાલે જણાવ્યું હતું કે કોરોનાની સંભવિત ત્રીજી લહેરને ધ્યાનમાં રાખીને શુક્રવારે નિષ્ણાતો અને ત્યારબાદ અધિકારીઓ સાથે બેઠક યોજાઈ હતી. તેમાં તૈયારીઓ અંગે ચર્ચા કરવામાં આવી હતી. બેઠકમાં સામે આવ્યું કે જો ત્રીજી લહેર આવશે તો આપણને 37,000 બેડની જરૂર પડશે. તે મુજબ બેડ તૈયાર કરવામાં આવશે, અને ઓક્સિજન ઉપલબ્ધ કરવામાં આવશે. દિલ્હી માટે 420 મેટ્રિક ટન ઓક્સિજન તૈયાર રાખવો જોઈએ. કટોકટી માટે ૨૫ ટેન્કર ખરીદવામાં આવી રહ્યા છે. 64 ઓક્સિજન પ્લાન્ટ સ્થાપવામાં આવી રહ્યા છે. દવાઓ માટે પૂરતી વ્યવસ્થા કરવામાં આવી રહી છે.
