રવિવારે એક મોટા વિકાસમાં સ્વિટ્ઝલેન્ડમાં જાહેર સ્થળોએ બુરખા, ઈજાબ અને નકાબ પહેરવા પર પ્રતિબંધ મૂકાયો હતો.આનાથી સંબંધિત પ્રસ્તાવને લોકોમાં થોડા તફાવત સાથે સ્વીકૃતિ મળી. આ પહેલા યુરોપના ઘણા દેશોએ બુરખા પર પ્રતિબંધ લગાવી દીધો છે. ફ્રાંસ, બેલ્જિયમ અને ઓસ્ટ્રિયામાં પણ આવા કાયદા અમલમાં આવ્યા છે.આ કાયદાની અમલવારી સાથે મહિલાઓ ચહેરાઓ ઢાંકીને જાહેર સ્થળો, રેસ્ટોરાં, સ્ટેડિયમ, પબ્લિક ટ્રાંસપોર્ટ અને રસ્તા પર ચાલી શકશે નહીં. હા, આરોગ્ય અને સલામતીનાં કારણોસર તેઓ ધાર્મિક સ્થળોએ તેમના ચહેરાને ઢાંકી શકે છે. કોવિડ રોગચાળાથી બચાવવા માટે ચહેરાના કવર કરી શકાશે. કુલ 1,426,992 મતદારોએ આ બાબતે ટેકો આપ્યો હતો અને 1,359,621 લોકો આ બાબતે વિરુદ્ધ હતા.
આ કાયદાની અમલવારી સાથે, ચહેરાને ઢાંકીને રસ્તાઓ પર હિંસક દેખાવો કરતા પણ અટકાવી શકાશે. જો કે 85 લાખની વસ્તીવાળા દેશમાં ફક્ત થોડાક ડઝન મહિલાઓ માસ્ક અથવા બુરખાનો ઉપયોગ કરે છે, પરંતુ આ દેશએ બુરખા પર પ્રતિબંધ લગાવીને જાગૃત રહેવાનો ઇરાદો વ્યક્ત કર્યો છે. તે જ સમયે, સ્વિટ્ઝલેન્ડ સેન્ટ્રલ કાઉન્સિલ ઓફ મુસ્લિમોએ રવિવારે સમુદાય માટે અંધકારમય દિવસ તરીકે જાહેર કર્યો છે.નોંધનીય છે કે યુરોપમાં આતંકવાદી હુમલાઓની સંખ્યા વધી રહી છે. ફ્રાન્સ આવા હુમલાઓનું શિકાર છે. સંસદમાં સ્વિસ પીપલ્સ પાર્ટીના સભ્ય અને આદેશ સમિતિના વડા વોલ્ટર વોબમેને જણાવ્યું હતું કે સ્વિટ્ઝરલેન્ડમાં ચહેરો ઢાંકવાની કોઈ પરંપરા નથી. અમને અમારો ચહેરો બતાવવો ગમે છે. તે આપણી સ્વતંત્રતા સાથે સંબંધિત એક મુદ્દો છે. અમારું માનવું છે કે ચહેરો ઢાંકવોએ ઉગ્રવાદ અને ઇસ્લામના રાજકીયકરણનો મુદ્દો છે. આ માટે સ્વિટ્ઝરલેન્ડમાં કોઈ સ્થાન નથી.
