વોશિંગ્ટન ટ્રિબ્યુનલ (વોશિંગ્ટન સત્તાવાળાઓ)એ શાળાઓમાં શિક્ષણ પુનઃસ્થાપિત કરવાનો નિર્ણય લીધો છે. ટ્રિબ્યુનલે ગુરુવારે જાહેરાત કરી હતી કે 2021-22નું શિક્ષણ સત્ર શરૂ કરવામાં આવશે. જોકે ટ્રિબ્યુનલે કહ્યું છે કે, શાળામાં આવતા તમામ શિક્ષકો અને વિદ્યાર્થીઓએ માસ્ક પહેરવાની જરૂર પડશે. વોશિંગ્ટનના આરોગ્ય વિભાગ દ્વારા કોરોના સંક્રમણના ફેલાવાને રોકવા માટે માર્ગદર્શિકા પણ જારી કરવામાં આવી છે. માસ્ક સાથે સંબંધિત આ માર્ગદર્શિકા વિવાદાસ્પદ સાબિત થઈ શકે છે કારણ કે અહીંના રોગ નિયંત્રણ અને નિવારણ કેન્દ્રએ સંપૂર્ણપણે રસી લીધેલ લોકોને માસ્ક પહેરવા બાબતે છૂટની જાહેરાત કરી છે.
હાલ 12 વર્ષથી વધુ વયના બાળકોને કોરોના વેક્સિન ડોઝ આપવામાં આવી રહ્યા છે. લગભગ ૧.૧ મિલિયન વિદ્યાર્થીઓ પબ્લિક સ્કૂલમાં છે. જણાવી દઈએ કે જારી કરવામાં આવેલી માર્ગદર્શિકામાં સ્પષ્ટ પણે કહેવામાં આવ્યું છે કે k-12 શાળાઓમાં આવતા લોકો જો 6 ફૂટનું અંતર નહીં રાખે તો ઇનડોર અને આઉટડોર માસ્ક પહેરવા જરૂરી છે. કોરોના મહામારીની શરૂઆત 2019માં ચીનના વુહાનથી થઈ હતી, જેના કારણે વિશ્વના તમામ દેશોમાં અમેરિકા સૌથી વધુ ચેપ ગ્રસ્ત બની ગયું હતું અને હવે રોગચાળાની બીજી લહેરને કારણે ભારતની સ્થિતિ ખરાબ છે. રોગચાળાને કારણે 2020ની શરૂઆતથી મોટાભાગના દેશોમાં શાળાઓ બંધ કરવામાં આવી હતી અને ઓનલાઇન શિક્ષણ વ્યવસ્થા કરવામાં આવી હતી.
વૈશ્વિક સ્તરે કોરોનાના કેસ 16 કરોડને પાર થઈ ગયા છે અને મૃત્યુની સંખ્યા વધીને 33.4 લાખ થઈ ગઈ છે. આ માહિતી શુક્રવારે જ્હોન્સ હોપકિન્સ યુનિવર્સિટીએ આપી હતી. તે મુજબ અમેરિકામાં અત્યાર સુધીમાં ચેપગ્રસ્ત લોકોની કુલ સંખ્યા 32,852,543 છે અને મૃત્યુઆંક 584,478 છે. ભારતમાં ચેપ ગ્રસ્ત વ્યક્તિઓની કુલ સંખ્યા 23,703,665 થઈ ગઈ છે.
