ટેક્નોલોજીએ આપણા જીવનને સંપૂર્ણપણે બદલી નાખ્યું છે અને દરેક વ્યક્તિ તેનો અનુભવ કરી રહ્યો છે. આજે આપણે જ્યાં છીએ, ત્યાં એક ક્લિક પર દરેક માહિતી ઉપલબ્ધ કરી શકીએ છીએ અને તેમાં ઇન્ટરનેટની મહત્વપૂર્ણ ભૂમિકા છે. આ વલણ હજી પણ આગળ વધશે અને આપણે ટૂંક સમયમાં જ જોઈશું કે ઇન્ટરનેટ આપણા જીવનને સંપૂર્ણપણે બદલી રહ્યું છે અને બધું જ તમારી નજીક લાવી રહ્યું છે. ભારતમાં 5 જી વાયરલેસ ટેક્નોલોજી લોન્ચ થવાની રાહ જોઈ રહ્યા છીએ. આ દિશામાં ઝડપી કામગીરી પણ કરવામાં આવી રહી છે. એરટેલ તેમાં એક મહત્વની ભૂમિકા નિભાવી રહ્યું છે. તાજેતરમાં એરટેલે હૈદરાબાદના વ્યાપારી નેટવર્ક પર આ ટેક્નોલોજીનો સફળતાપૂર્વક પ્રદર્શન કર્યો છે.
હાઇ સ્પીડ ઇન્ટરનેટ
5 જી વિશે સૌથી વધુ પૂછવામાં આવતો પ્રશ્ન એ છે કે તેની સ્પીડ કેટલી હશે. તેની સ્પીડ વિશે વાત કરીએ તો, 4GB નો 4K વિડિઓ ફક્ત ત્રણ મિનિટમાં ડાઉનલોડ થઈ જશે. મતલબ કે તમે Mbps થી Gbps ની દુનિયામાં પ્રવેશવા જઇ રહ્યા છો. તમે એચડી વિડિઓ અથવા કોઈપણ ફાઇલને વધુ ઝડપથી ડાઉનલોડ કરી શકશો. આ સિવાય ડેટા ટ્રાન્સફરની સ્પીડ પણ અનેકગણી વધશે. 4 જી કરતા 10 થી 100 ગણો ઝડપી. તમે 5જી ટેક્નોલોજી દ્વારા તે બધું કરી શકશો, જે તમે 4 જીમાં કરી શકતા નથી.
વધુ ઉપકરણો (ડિવાઈઝ) કનેક્ટ થશે.
જ્યારે આપણે 3 જી થી 4 જી પર આવ્યા ત્યારે આપણે જોયું કે ઇન્ટરનેટનો વ્યાપ વધ્યો છે. પહેલા ફોન દ્વારા બ્રાઉઝ કરી શકતા હતા, હવે આપણે ખરીદી, સ્ટ્રીમિંગ, ગેમિંગ અને ઘણી વસ્તુઓ કરી શકીએ છીએ. 5 જીના આગમન પછી, જે કાર્ય પહેલાથી થઈ રહ્યું છે તેમાં સુધારો કરવામાં આવશે, તેમજ નવા પ્રકારનાં ઉપકરણો ઇન્ટરનેટથી કનેક્ટ થશે. ફોન સિવાય, ફ્રીઝ, ટીવી, એસી અને ઘરની અન્ય વસ્તુઓ પણ ઇન્ટરનેટથી કનેક્ટ થશે. તમે કોઈપણ જગ્યાએથી તમારા સ્માર્ટફોનથી આ આઇટમ્સને નિયંત્રિત કરી શકશો. તમારી સ્માર્ટ ઘડિયાળ કદાચ ભવિષ્યમાં તમારા પલ્સની બધી વિગતો તમારા ડોક્ટર સાથે શેર કરી શકશે.
