ભારતીય ટીમના કેપ્ટન વિરાટ કોહલીએ પત્ની અનુષ્કા શર્મા અને પુત્રી વામિકાને આંતરરાષ્ટ્રીય મહિલા દિવસની શુભેચ્છા પાઠવી હતી. અમદાવાદમાં ઇંગ્લેન્ડ સામે ટી -20 શ્રેણીની તૈયારી કરી રહેલા વિરાટ કોહલીએ મહિલા દિવસ પર એક પોસ્ટ શેર કરી હતી. ઇન્સ્ટાગ્રામ પર શેર કરેલી તસવીરમાં તેની પત્ની અને બોલિવૂડ એક્ટ્રેસ અનુષ્કા શર્માના હાથમાં તેની પુત્રી વામિકા દેખાઈ રહયા છે. ધાકડ બેટ્સમેન વિરાટ કોહલીએ ઈન્સ્ટાગ્રામ પર અનુષ્કા અને તેની પુત્રી વામિકાનો ઉલ્લેખ કરીને પોસ્ટ કરતા લખ્યું હતું કે, બાળકને જન્મ આપવો એ કરોડરજ્જુમાં સૌથી વધારે થતા દુ:ખાવા સમાન છે અને તે માનવી માટે અતુલ્ય અને આશ્ચર્યજનક અનુભવ હોઈ શકે છે. આ વાતની સાક્ષી બન્યા પછી જ, તમે સ્ત્રીઓની સાચી શક્તિ અને દિવ્યતાને સમજી શકો છો અને ભગવાને કેમ તેમનામાં જીવન બનાવ્યું છે. કારણ કે તેઓ આપણા કરતા વધુ મજબૂત છે. તમે મારા જીવનની સૌથી મજબૂત, કરુણામય અને મજબૂત સ્ત્રી અને તમે તમારી માતા જેવી સ્ત્રી બનનારી મહિલા છો. અને વિશ્વની તમામ અદ્ભુત મહિલાઓને હેપ્પી વિમેન ડે.” વિરાટ કોહલીએ તાજેતરમાં કપ્તાન તરીકે ટેસ્ટ ક્રિકેટમાં ભારતને ચેમ્પિયન બનાવ્યું છે, કેમ કે ભારતે ઇંગ્લેન્ડ સામેની ચાર મેચની ટેસ્ટ સિરીઝને 3 – 1 થી હરાવીને વર્લ્ડ ટેસ્ટ ચેમ્પિયનશીપની ફાઇનલમાં પ્રવેશ મેળવ્યો હતો. હવે બંને દેશો વચ્ચે પાંચ મેચની ટી 20 શ્રેણી શરૂ થઈ રહી છે. આ પહેલા વિરાટ કોહલી ઇન્સ્ટાગ્રામ પર સૌથી વધુ ફોલોઅર ધરાવતો ક્રિકેટર બન્યો હતો. ઇન્સ્ટાગ્રામ પર તેમના ફોલોઅર્સની સંખ્યા 100 મિલિયનને વટાવી ગઈ છે. બીજી તરફ, પત્ની અનુષ્કા શર્મા આ દિવસોમાં મુંબઈમાં પુત્રી સાથે સમય વિતાવી રહી છે. હાલમાં, તેમનો ફિલ્મ ઉદ્યોગમાં પાછા ફરવાનો કોઈ ઇરાદો નથી તેમ લાગે છે, પરંતુ તેણે ગર્ભાવસ્થા દરમિયાન ઘણી એડનું શુટિંગ કર્યું હતું.
